Avijakampaniju abaviazali vypłacić siamiejnaj pary bolš za $ 15 tys. za parušeńni zakona ab aficyjnych movach, jaki zabiaśpiečvaje roŭny status anhlijskaj i francuzskaj moŭ u Kanadzie. Pra heta paviedamlaje CNN.
U pazovie havaryłasia pra bolš čym 22 skarhi, jakija siamiejnaja para Cibado padała suprać Air Canada ŭ 2016 hodzie. U pryvatnaści, jany ŭkazali na toje, što adno z słoŭ na ramianiach biaśpieki było vyhraviravana tolki na anhlijskaj movie.
Jany taksama śćviardžali, što słova «vychad» i «ŭvaha», raźmieščanyja ŭ roznych častkach samalotaŭ, na anhlijskaj mieli kudy bolšy šryft, čym čym na francuzskaj. Akramia taho, jany paskardzilisia na toje, što abjava pra pasadku na francuzskaj movie była mienš padrabiaznaj, čym na anhlijskaj.
Jak adznačaje telekanał, avijakampanija parušyła Kanadskuju chartyju pravoŭ i svabod, a taksama zakon ab aficyjnych movach, jaki zabiaśpiečvaje roŭny status anhlijskaj i francuzskaj moŭ u Kanadzie.
Sud abaviazaŭ Air Canada vypłacić siamiejstva Cibado bolš za $ 15 tys. i nakiravać asabista kožnamu aficyjnyja listy z vybačeńniami.
«Šyldy pavinny być adnolkavaha pamieru. Ja čakaju, što na praciahu pary miesiacaŭ my zmožam lotać na lubym samalocie Air Canada, i, narešcie, šyldy buduć na abodvuch aficyjnych movach», — prakamientavaŭ rašeńnie suda Mišel Cibado.
Pa-francuzsku ŭ Kanadzie havorać prykładna 15% ludziej, pieravažna ŭ pravincyi Kviebiek, ale i anhlijskaja, i francuzskaja movy majuć roŭny status.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary