Da hadaviny atrymańnia horadam Mahdeburhskaha prava: vialiki fiestyval Ulmus projdzie siońnia ŭ Bieraści 

17 žniŭnia z 13:00 da 20:00 projdzie biaspłatny fiestyval historyi i kultury Bresta «Ulmus». Haradski sad pieratvorycca ŭ jaskravuju placoŭku ź dziesiatkam zon dla adpačynku, adukacyi, zabaŭ i h.d. Tut možna budzie taksama nabyć časopis «Naša historyja». Prymierkavany fiestyval da hadaviny atrymańnia horadam Mahdeburhskaha prava.

«Ulmus» — heta kraftavaje śviata dla bieraściejcaŭ i haściej našaha horadu, jakoje stvarajecca dla taho, kab raspavieści historyju Bieraścia praz aktualnyja formy.

Viadoma, što na fiestyvali budzie źmiaščacca 8 placovak, siarod jakich fud-kort, dziciačaja zona, markiet, lektoryj, šmat histaryčnych aktyŭnaściej. Bolš padrabiazna nižej.

Padsiłkavacca, vypić letnich napojaŭ ci kavy — možna budzie ŭ zonie fud-korta. A pavalacca na travie ci sienie, pahulać u nastołki prychodźcie na zialonuju i biezałkaholnuju zonu piknika. Na piknik možna brać pledy, ježu i hulni dla volnaha pavietra.

Dla dzietak my taksama padrychtavali asobnuju łakacyju, dzie małych čakaje šmat pryhod. Na dziciačaj placoŭcy možna budzie pahulać z damami z kartonu ci razmalavać hraviuru Dalbierha. A z 14:00 da 16:00 budzie mahčymaść pahulać u histaryčnuju hulniu «Lehiendy Bresta», dzie z dapamohaj sučasnych technałohij atrymajecca naviedać roznyja kutki horada i daviedacca pra ich šmat novaha.

Śpiecyjalna dla festa Ulmus, teatr «Kamišybai» stvaryŭ śpiektakl «Bieraściejski Cmok-achoŭnik» (tekst Natalla Hierasimiuk, ilustracyi Krystyna Dackievič). Pakaz adbudziecca ŭ altancy a 13:00, 15:00 i 16:30. Tam ža budzie majstar-kłas pa vyrabie značkaŭ-cmokaŭ.

Markiet — miesca dla ŭsich, chto robić pryhažość. Tolki naturalnaje, ekałahičnaje, pryhožaje i kraftavaje. Kali vy zachacieli dałučycca da markieta — zapaŭniajcie formu.

Na zonie lektoryja surjoznyja ludzi buduć niesuriozna rapaviadać jak žyli i razmaŭlali bieraściejcy. Mikałaj Płavinski (archieołah, kandydat histaryčnych navuk) raspaviadzie jak pravodzili volny čas u Siaredniavieččy. A tajamnicy staražytnaha horada pryadkryje znakamity daśledčyk historyi Bresta, Anatol Hładyščuk.

Sapraŭdnaja pierlina fiestyvalu ad Fonda raźvićcia Bresckaj krepaści budzie źmiaščacca na histaryčnaj łakacyi. Kožny zmoža pavalacca i pačytać knihi, pahladzieć adukacyjnyja instalacyi, pasłuchać histaryčnyja apoviedy ad ekśpiertaŭ u bieraściejskaj historyi. Taksama možna budzie daviedaca pra toje, jak budavali krepaść i jakija nadpisy tam jość, pačuć pra madernisckuju architekturu i inšyja cikavostki. Vaŭ-efiekt stvoryć prajekt «ReBrest», jaki pakaža što dzie było ŭ starym Bieraści z dapamohaj 3D-makietaŭ. Taksama adbudziecca prezientacyja novaj knihi Mikałaja Płavinskaha. A śpiecyjalna dla tych, chto nie lubić siadzieć na miescy, budzie arhanizavany histaryčny kvest pa miescach kala Haradskoha sadu. Rehistracyja tut.

Na fiestyval pryjedzie halereja «Art-Biełaruś», jakaja pryviazie častku prajekta «Darohami Skaryny ź Biełhazprambankam». Va ŭsich nas budzie mahčymaść adpravicca ŭ padarožža ŭ drukavanuju majsterniu Skaryny pry dapamozie šlema virtualnaj realnaści. Madellu dla stvareńnia virtualnaj majsterni pasłužyła rekanstrujavanaja drukarnia XVII-XVIII stahodździaŭ, jakaja znachodzicca ŭ Muziei biełaruskaha knihadrukavańnia.

U art-łakacyju my pryviaziem zorak andehraŭdnaha mastactva Biełarusi: Siarhieja Rusaka (stryt-art mastak ź Lidy) i Siarhieja Leskiecia (fotamastak).

Rusak stvaryŭ niečakany vobraz Bieraścia z štodzionnym siužetam, jaki na pieršy pohlad vielmi prosty, ale niabačna adhukajecca ŭ tutejšym sercy. Jašče Siarhiej Rusak praviadzie majstar-kłas pa stvareńni płakataŭ ź bieraściejskim siužetam u miežach prajekta Fonda raźvićcia Bresckaj krepaści «1000 idej dla Bresta». Akramia hetaha budzie pracavać «drukarnia» pa mietadu šaŭkahrafii z malunkam Sierhieja Rusaka. Kab nabić dla siabie vyjavu pra Bieraście, vaźmicie torbu ci cišotku śvietłaha koleru.

Sierhieja Leskieć stvoryć Rajski sad. U kałabaracyi z babkami-šaptuchami jon źbiraje lekavyja ziołki, fatahrafuje ich z dapamohaj technałohii lumen print. U hetym pracesie Siarhiej vykarystoŭvaje vadu z rek i śviatych krynicaŭ, časam zamoŭlenuju vadu. Na fiestyvali možna budzie niepasredna paznajomicca z mastakom, adčuć šamanizm jahonych prac i pasprabavać samim stvaryć raślinnuju pryhažość.

Fiksavać śviata i vobrazy haściej budzie prajekt «Utulnaje malavańnie». Siarod drevaŭ z 14:00 da 16:00 bieraściejskija mastaki stvorać asablivuju atmaśfieru da jakoj dałučycca možacie i vy.

Kab vy pabačyli jašče adzin płast sučasnaj kultury Bresta, na muzyčnuju placoŭku my zaprasili abjadnańnie PODPOLIE 162. Heta supolnaść nojz-muzykantaŭ jakija z 18:30 da 20:00 buduć adpraŭlać u pavietra svaje bity i kłasiku chip-chopa.

Prahrama festa Ulmus

17 žniŭnia 13:00-20:00, Brest, Hradski sad

13:00: start festa,

13:00-13:45: papiarovy śpiektakl teatru «Kamišybai», «Bieraściejski Cmok-achoŭnik»,

14:00-16:00: histaryčnaja hulnia dla dziaciej «Lehiendy Bresta»,

14:00-16:00: malavańnie haściej festa, prajekt «Utulnaje malavańnie»,

15:00-16:00: majstar-kłass pa fotahrafavańni raślin ad fotamastaka Siarhieja Leskiecia,

15:00-15:45: papiarovy śpiektakl teatra «Kamišybai», «Bieraściejski Cmok-achoŭnik»,

15:00-16:00* - razmovy ź bieraściejskimi krajaznaŭcami i historykami za kavaj (Ivan Čajčyc, Iryna Małoz, Natalla Zdanievič i inšyja).

*śpis udakładniajecca

16:00: histaryčny kvest pa vakolicach Haradskoha sadu,

16:00-18:00: histaryčny lektoryj (vystupoŭca: Mikałaj Płavinski).

16:30-17:15: papiarovy śpiektakl teatra «Kamišybai», «Bieraściejski Cmok-achoŭnik».

18:00-20:00: malavańnie płakataŭ ź siužetam Bresta (stryt-art mastak Siarhiej Rusak),

18:30-20:00: vystup elektronnych muzykaŭ, abjadnańnie PODPOLIE 162.

• 0
• 0
• 0
• 0
• 0
• 0
• 0
• 0