«Pavažany jełbasy!» Prezident Kazachstana pačaŭ inaŭhuracyjnuju pramovu sa zvarotu nie da naroda, a da Nazarbajeva
Druhi prezident Kazachstana Kasym-Žamart Takajeŭ pryviedzieny da prysiahi paśla vybaraŭ, jakija supravadžalisia masavymi zatrymańniami i šmatlikimi, pavodle acenak zachodnich naziralnikaŭ, parušeńniami, piša Radio Azattyk.
U zali Pałaca niezaležnaści ŭ Nur-Cułtanie, dzie ŭžo prysutničali deputaty parłamienta, členy ŭrada, pradstaŭniki administracyi prezidenta i inšyja vysokapastaŭlenyja čynoŭniki, Kasym-Žamart Takajeŭ źjaviŭsia paśla taho, jak tudy pad apładysmienty ŭvajšoŭ jaho papiarednik. Nursułtan Nazarbajeŭ zaniaŭ miesca ŭ pieršym radzie.
Takajeŭ pačaŭ pramovu sa zvarotu da eks-prezidenta: «Pavažany jełbasy [«lidar nacyi» — tytuł, zakanadaŭča zamacavany za Nazarbajevym]! Pavažanyja kazachstancy!» Jon padziakavaŭ suhramadzianam za padtrymku i nazvaŭ prezidenckija vybary «spraviadlivymi» i «takimi, jakija adpaviadajuć demakratyčnym pryncypam».
«My pavinny skazać, što našy hramadzianie prahałasavali, padtrymaŭšy stratehiju jełbasy», — praciahnuŭ Takajeŭ, jaki abviaściŭ «pierajemnaść» adnym z asnoŭnych tezisaŭ svajoj ahitacyjnaj kampanii. Jon zajaviŭ, što atrymaŭ mnostva prapanoŭ ad vybarščykaŭ, jakija abjadnoŭvaje pažadańnie «zachavać kurs jełbasy». «Raźvity Kazachstan — u pieršuju čarhu zasłuha jełbasy», — skazaŭ Takajeŭ i nazvaŭ Nazarbajeva «vialikaj asobaj», jakaja staić la vytokaŭ dziaržaŭnaści Kazachstana.
«Ja budu pracavać nad realizacyjaj stratehii jełbasy», — paabiacaŭ Takajeŭ.
Ciapier čytajuć
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty35
Kamientary