Pasoł Biełarusi ŭ Rasii Uładzimir Siamaška atrymaŭ paŭnamoctvy namieśnika premjer-ministra pa pytańniach dziejnaści Biełarusi ŭ ramkach Sajuznaj dziaržavy i stasunkaŭ z Rasijaj. Adpaviedny ŭkaz Alaksandr Łukašenka padpisaŭ 30 maja, paviedamlaje BiełTA.
U adpaviednaści z dakumientam, Uładzimir Siamaška pry realizacyi paŭnamoctvaŭ vice-premjera pradstaŭlaje Biełaruś u kantaktach sa słužbovymi asobami i dziaržaŭnymi orhanami Rasii i orhanami Sajuznaj dziaržavy pa pytańniach dvuchbakovaha supracoŭnictva, a taksama ŭnosić prapanovy ŭradu, respublikanskim orhanam dziaržaŭnaha kiravańnia, abłvykankamam, Minskamu harvykankamu i inšym dziaržorhanam i arhanizacyjam pa pytańniach handlova-ekanamičnaha i inviestycyjnaha supracoŭnictva z Rasijaj. Akramia taho, jon kaardynuje dziejnaść respublikanskich orhanaŭ dziaržaŭnaha kiravańnia i inšych dziaržarhanizacyj, padparadkavanych uradu, pradstaŭnikoŭ Biełarusi ŭ orhanach Sajuznaj dziaržavy, daje im abaviazkovyja dla vykanańnia ŭkazańni i kantraluje ich realizacyju.
Uładzimir Siamaška budzie nieści piersanalnuju adkaznaść za prasoŭvańnie nacyjanalnych intaresaŭ Biełarusi ŭ Sajuznaj dziaržavie i adnosinach z Rasijaj.
Ciapier čytajuć
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary