Dzieviać hadoŭ pazbaŭleńnia voli dali saŭładalniku minskaha bara za raspaŭsiud narkotykaŭ
U sudzie Centralnaha rajona ahałošany prysud pa spravie Uładzisłava Bryštela: jon pryznany vinavatym u raspaŭsiudzie asabliva niebiaśpiečnych psichatropnych rečyvaŭ i prysudžany da dzieviaci hadoŭ kałonii z kanfiskacyjaj majomaści, piša Tut.by.
Nahadajem, saŭładalnik minskich baraŭ Uład Bryštel byŭ zatrymany pry sprobie schavać dozu z narkotykam. Heta była 28-ja zakładka, ab papiarednich jon adrazu ž paviedamiŭ pravaachoŭnikam. Da spažyŭcoŭ zabaronienaje rečyva nie dajšła.
Uładzisłavu Bryšteł. było pradjaŭlenaje abvinavačvańnie ŭ niezakonnym abarocie asabliva niebiaśpiečnaha psichatropu ŭ bujnym pamiery (č. 3 art. 328 KK), sankcyja artykuła praduhledžvaje pakarańnie ad 8 da 15 hadoŭ pazbaŭleńnia voli.
Mužčyna ŭ zroblenym raskajaŭsia, raźličvaŭ, što sud pryznačyć jamu pakarańnie nižej za minimalnaje. Prakuror, nahadajem, patrabavaŭ 10 hadoŭ pazbaŭleńnia voli.
U sudzie Uład Bryštel pryznaŭsia, što z 12 hadoŭ užyvaŭ narkotyki. Pavodle jaho słoŭ, pajści na złačynstva jaho vymusili ciažkija siamiejnyja abstaviny: u 2013 hodzie naradziłasia dačka, u jakoj surjoznyja prablemy sa zdaroŭjem, hrošy byli patrebnyja na lačeńnie, biznes na toj momant nie prynosiŭ patrebnych srodkaŭ.
Ciapier čytajuć
«Ciapier mnie čužaja sama kancepcyja ŭžyć niešta, čaho ty nie viedaješ». Vialikaja hutarka ź Ivanam Šyłam pra biznes, zarablańnie z dapamohaj ŠI, žančyn i botaks13
Kamientary