Bajcy śpiecnazu milicyi ŭ cyvilnym zatrymali lidera ruchu «Maładaja Biełaruś» Artura Fińkieviča razam z aktyvistam arhanizacyi Siarhiejem Kastylenkam.
Heta adbyłosia praź niekalki chvilinaŭ paśla zaviaršeńnia akcyi, jakuju pravodzili aktyvisty «Maładoj Biełarusi» kala staličnaha univiersama «Sierabranka» z nahody Dnia salidarnaści.
Aktyvisty razdavali ŭlotki ź infarmacyjaj pra źnikłych. Paśla zaviaršeńnia akcyi maładyja ludzi stajali na prypynku aŭtobusu, kali kala ich spyniŭsia mikraaŭtobus z tanavanym škłom, i adtul vyskačyli ludzi ŭ cyvilnym. Jany schapili Artura Fińkieviča i jahony noŭtbuk, jaki, jak padałosia naziralnikam, cikaviŭ ich navat bolš. Artur sprabavaŭ pieradać kamputar Siarhieju Kastylenku, ale schapili i jaho.
Artur Fińkievič paśpieŭ paviedamić pa telefonie, što jon znachodzicca ŭ Pieršamajskim RAUS. Raniej jon kazaŭ, što milicyja Pieršamajskaha rajona pahražała Arturu pryciahnuć jaho da kryminalnaj adkaznaści za iłžyvy danos. Sprava tyčycca śniežańskich padziejaŭ, kali Artura schapili kala padjezdu, zakinuli ŭ mikraaŭtobus, dzie źbivali, a potym vykinuli ŭ pole.
Daznaŭca Pieršamajskaha RUUS sp.Śmirnoŭ paviedamiŭ paplečnikam Artura Fińkieviča, što jon sapraŭdy dastaŭleny ŭ RUUS u spravie śniežańskich padziejaŭ u jakaści paciarpiełaha. Śledčy maje da jaho niekalki pytańniaŭ.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj3
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić2929
Kamientary