Źbiehły prezident Ukrainy Viktar Janukovič nakiravaŭ akcioru Uładzimiru Zialenskamu vinšavańnie ź pieramohaj na vybarach kiraŭnika dziaržavy. Pra heta na svajoj staroncy ŭ fejsbuku paviedamiŭ pradstaŭnik eks-prezidenta Juryj Kirasir. Tam ža jon apublikavaŭ tekst zvarotu Janukoviča da Zialenskaha.
«Pavažany Uładzimir Alaksandravič! — pačynajecca pasłańnie. — Ja ščyra vinšuju vas z abrańniem na pasadu prezidenta Ukrainy». Ukraincy, zaŭvažyŭ Janukovič, davieryli hetu pasadu Zialenskamu «ŭ najciažejšy dla krainy momant historyi».
«Ja chaču nizka pakłanicca mudramu ŭkrainskamu narodu, jaki nie daŭ siabie padmanuć, nie paddaŭsia na pravakacyi i chłuśniu, a zrabiŭ śviadomy vybar», — zaznačyŭ eks-kiraŭnik dziaržavy. Zialenskamu jon paraiŭ «nie padvieści» ŭkraincaŭ, jakija «davierylisia jamu» i spadziajucca na toje, što jon viernie «narodu mir i roskvit».
«Ja žadaju vam mocnaha zdaroŭja, błasłavieńnia ad Hospada i pośpiechaŭ na vašaj vysokaj i adkaznaj pasadzie prezidenta Ukrainy», — reziumavaŭ Janukovič.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary