Lidaru prafsajuza REP Fiadyniču vynieśli pieršaje papiaredžańnie: Lekaŭ nie akazałasia, kalehi paraili vypić trochi kańjaku
Lidar prafsajuza REP Hienadź Fiadynič raspavioŭ sajtu palitviazni.info, čamu jon parušyŭ režym adbyćcia pakarańnia.
Lidar prafsajuza REP Hienadź Fiadynič nie moža znachodzicca pa-za miežami svajoj kvatery paźniej 19.00 u budnyja dni i nie maje prava pakidać kvateru ŭ vychadnyja. Taksama zabaroniena ŭžyvać ałkahol na ŭvieś termin pakarańnia — 4 hady. Supracoŭniki milicyi padčas usiaho terminu kantralujuć vykanańnie hetych umoŭ, tamu mohuć pryjści dadomu da Fiadyniča ŭ luby čas dnia i nočy.
U minułuju subotu prafsajuzny aktyvist paviedamiŭ, što da jaho dadomu pryjšli supracoŭniki milicyi i zatrymali pa padazreńni va ŭžyvańni ałkaholu.
«Na fonie stresu ŭ mianie niaredka skača arteryjalny cisk, — raspavioŭ Hienadź Fiadynič. — U piatnicu na pracy tanomietr pakazvaŭ 150—160, u subotu, jakaja była taksama pracoŭnaja, cisk iznoŭ uźniaŭsia da 160. Pad rukoj lekaŭ nie akazałasia, kalehi paraili vypić krychu kańjaku. Tak i zrabiŭ. A kala doma ŭžo čakała milicyja».
Sa słoŭ prafsajuznaha lidara, miedycynski ahlad pakazaŭ u jaho kryvi najaŭnaść ałkaholu, chacia nijakich dakumientaŭ na ruki jamu nie dali.
Siońnia, 3 krasavika, kali Hienadź Fiadynič pajšoŭ adznačacca ŭ Centralny RUUS Minska, jamu vynieśli pieršaje aficyjnaje papiaredžańnie za parušeńnie ŭmoŭ adbyćcia pakarańnia.
«Mnie skazali, što nikoha nie chvaluje moj stan zdaroŭja, praviły dla ŭsich adnolkavyja», — dadaje prafsajuzny lidar.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary