U Lidzie milicyja zatrymała padazravanaha ŭ asabliva złosnym chulihanstvie. Pa viersii pravaachoŭnikaŭ, 18-hadovy chłopiec biespadstaŭna ŭdaryŭ nažom u ściahno małaznajomaha chłopca. Incydent adbyŭsia ŭviečary na adnoj ź miascovych spartyŭnych placovak.
Vyśvietliłasia, što tam adpačyvała niekalki kampanij. Paciarpieły vyrašyŭ paznajomicca sa svaim kryŭdzicielem, toj byŭ nie suprać i nazvaŭsia spačatku «Rusikam», a potym «Valeram». Paralelna spytaŭ: chočaš daviedacca, čamu mianie nazyvajuć mienavita tak? Surazmoŭca kiŭnuŭ, a padazravany dastaŭ z kišeni nož i, ničoha nie kažučy, stuknuŭ im chłopca ŭ vobłaść ściahna.
Paciarpieły vymušany byŭ źviarnucca ŭ balnicu, dzie paviedamiŭ, što naparoŭsia na štyr, kali pierałaziŭ cieraz płot. Balnica paviedamiła pra ranieńnie ŭ milicyju, dzie, u vyniku, vyśvietlili, što nasamreč adbyłosia.
Kryminalnuju spravu zaviali pa č.3 art.339 KK Biełarusi. Padazravany paviedamiŭ, što nie dumaŭ, što mohuć takija niespryjalnyja vyniki.
Kamientary