Padčas naviedvańnia ahrachołdynha «Kupałaŭskaje» na Škłoŭščynie Alaksandr Łukašenka zładziŭ raznos čynoŭnikam. Źniaty z pasady hubiernatar Mahiloŭščyny Uładzimir Damanieŭski.
Łukašenka aburyŭsia ŭmovami, u jakich žyvuć karovy. «Kali čałaviek nie razumieje, što heta Aśviencim, a vy jaho stavicie kiraŭnikom chołdynhu (TAA «Kupałaŭskaje»), ja vas naohuł nie razumieju», — zajaviŭ jon.
Łukašenka ŭ šoku: Karovy pad Škłovam utrymlivajucca, niby ŭ Aśviencimie
Łukašenka daručyŭ źniać z pasad usich vinavatych za niezabieśpiačeńnie naležnych umoŭ haspadarańnia i vytvorčaj dyscypliny u ahrachołdynha «Kupałaŭskaje» i zavieści kryminalnyja spravy.
«Kab na stale lažaŭ śpis usich, chto mianie tut supravadžaŭ. Akramia hubiernatara dy inšych, tut jašče byli kankretnyja ludzi, jakija pavinny byli za heta adkazvać, — skazaŭ kiraŭnik dziaržavy. — Leanid Vasiljevič [Leanid Anfimaŭ, staršynia Kamiteta dziaržkantrolu], raspačać kryminalnuju spravu pa ŭsioj strohaści zakona. Vinavaty — kajdanki i adrazu ŭ śledčy izalatar».
Na miescy byli razdadzienyja i pasady:
Ciapierašni staršynia Škłoŭskaha rajvykankama Vasil Viciunoŭ panižany da kiraŭnika ahrachołdynha «Kupałaŭskaje».
Pamočnik prezidenta Mahiloŭskaj vobłaści Hienadź Łaŭrankoŭ panižany da vykanaŭcy abaviazkaŭ staršyni Škłoŭskaha rajvykankama.
Narešcie, vykonvać abaviazki hubiernatara Mahiloŭskaj vobłaści pakul budzie jaho ciapierašni pieršy namieśnik Mikałaj Karocin.
Hubiernatar Mahiloŭščyny Uładzimir Damanieŭski adpraŭleny ŭ adstaŭku.
Ciapier čytajuć
Kab nie siadzieć u Rasii za narkotyki, małady danosčyk z Ašmianaŭ zapisaŭsia na front. Dyj zhinuŭ11
Kamientary