Jak dabracca da Hrodna na śviatkavańnie Dnia Voli — 2019 — top-3 sposaby
Śviatkavańnie 101-hodździa BNR u Hrodnie adbudziecca ŭ subotu, 23 sakavika, u Kałožskim parku z 13:00 da 17:00.
Viadoma, što na śviatočnym kancercie vystupiać Lavon Volski, Źmicier Vajciuškievič, hurty «Krama», «Daj Darohu!» i «Dzieciuki».
Dabracca da Hrodna 23 sakavika možna nastupnym čynam:
1. Ciahnik.
U Hrodna možna startavać ciahnikom, jaki adpraŭlajecca sa stalicy ŭ 7:02. U Hrodnie vy budziecie ŭ 11:48.
Košt kvitka ŭ ahulnym vahonie — 6,24 rubla, u płackarcie — 9,56 rubla, u kupe — 13,25 rubla.
Pakul što ŭ prodažy zastajecca 130 kvitkoŭ.
Viarnucca ŭ Minsk možna načnym ciahnikom, jaki adpravicca z Hrodna ŭ 23:47. Albo nie čakać kanca mierapryjemstva i źjechać u 16.45. Tady ŭdasca viarnucca ŭ Minsk da nočy.
2. Aŭtobus/maršrutka
Aŭtobusny kvitok kaštuje 13 rubloŭ.
Niekalki aŭtobusaŭ roznych pieravozčykaŭ jość u bazie ticketbus.by, ale asnoŭny hulec rynka — servis minsk-grodno.by.
Jaho maršrutki adpraŭlajucca kožnyja 15-20 chvilin. Zabraniravać možna na sajcie albo ŭ mabilnym dadatku.
Maršrutka idzie try z pałovaj hadziny.
3. Bła-bła-kar/aŭtaspyn/padsadka
Servis pa pošuku spadarožnikaŭ dazvalaje sieści kamuści na chvost abo prapanavać samomu padarožža, kali ŭ vašaj mašynie jość volnyja miescy. Košt pajezdki — u siarednim kala 10 rubloŭ z čałavieka.
A kali nie palenavacca i napisać u supołkach u sacyjalnych sietkach, što vy šukajecie mahčymaść dabracca na śviatkavańnie 101-hodździa BNR, to, mahčyma, vam pašancuje znajści nie tolki paputčykaŭ, ale i dobruju kampaniju adnadumcaŭ.
Ciapier čytajuć
«Ja jedu natchnicca ŭkraincami». Śviatłana Cichanoŭskaja pačała aficyjny vizit va Ukrainu19
Kamientary