Luty vydaŭsia ciopłym, siaredniaja tempieratura za miesiac była na 4—5 hradusaŭ vyšej za klimatyčnuju normu, ale ŭ pieršyja dni kalandarnaj viasny čakajecca karotkačasovaje pachaładańnie, paviedamili BiełTA ŭ Hidramiecie.
U piatnicu, 1 sakavika, nadvorje buduć vyznačać atmaśfiernyja franty, za jakimi pačnie pastupać chałodnaja niaŭstojlivaja pavietranaja masa z poŭnačy Jeŭropy. Nočču i ranicaj, dniom miescami projdzie karotkačasovy śnieh. Na asobnych učastkach daroh — hałalodzica. Na bolšaj častcy terytoryi krainy — mocny paryvisty viecier. Tempieratura pavietra ciaham sutak ad 0 da minus 6, tolki dniom pa paŭdniovym zachadzie da +3.
U subotu ŭnačy da minus 4-11, dniom budzie ad minus 5 da +2.
3 sakavika pačnie pastupać ciopłaja pavietranaja masa z Atłantyki. Mokry śnieh, jaki budzie pierachodzić u doždž. Nočču 4-11 marozu, pa paŭdniovym uschodzie miescami pry prajaśnieńniach jana panizicca da minus 13 hradusaŭ, tolki ŭ zachodnich rajonach nie apuścicca nižej za minus 3. tempieratura dniom ad 0 da +6, pa paŭdniovym zachadzie pavietra prahrejecca da 8 hradusaŭ.
U paniadziełak dniom — +2-7, pa paŭdniovym zachadzie da +11.
Ciapier čytajuć
Ci varta kuplać zakinutuju chatu za adnu bazavuju i kolki heta kaštuje nasamreč? Voś što raskazvajuć ludzi4
Kamientary