Staršynia Nacyjanalnaj hramadskaj teleradyjokampanii Ukrainy Zurab Ałasanija zajaviŭ, što pieramožca nacyjanalnaha adboru na Jeŭrabačańnie śpiavačka MARUV admoviłasia padpisvać kantrakt z «Suśpilnim».
«Praciahłyja i źniasilvajučyja pieramovy (piać z pałovaj hadzin) pamiž «Suśpilnim» i kamandaj vykanaŭcy MARUV prynieśli nastupny vynik: baki da zhody nie pryjšli, pahadnieńnie padpisana nie budzie», — zajaviŭ jon.
Adnoj z umoŭ kantrakta była admova dla śpiavački ad hastrolej u Rasii.
Adnak sama śpiavačka śćviardžaje, što adsutnaść damoŭlenaści nie źviazana z hetym pytańniem.
«Jak raniej ja kazała, admova ad kancertaŭ u Rasii nie była dla nas pryncypovaj. Asnoŭnyja roznahałośsi vyklikali inšyja punkty dahavora, jakija, kali ja padpišu, stanoviacca dla mianie kabalnymi. Ja — hramadzianka Ukrainy, płaču padatki i ščyra lublu Ukrainu. Ale nie hatovaja vystupać z łozunhami, pieratvarajučy svajo znachodžańnie na konkursie ŭ proma-akcyi našych palitykaŭ. Ja — muzykant, a nie bita na palityčnaj arenie», — napisała vykanaŭca.
Takim čynam, rašeńnie, chto budzie pradstaŭlać Ukrainu na Jeŭrabačańni, pakul što nie pryniata.
Nahadajem, u finale ŭkrainskaha adboru piesiennaha konkursu Jeŭrabačańnie-2019 pieramahła śpiavačka Hanna Korsun, bolš viadomaja jak MARUV.
MARUV nabrała 11 bałaŭ — 5 ad sudździaŭ i 6 ad hledačoŭ.
U svaju čarhu sudździ dali maksimalnuju kolkaść bałaŭ Freedom Jazz.
-
«Ja była tolki abałonkaj čałavieka». Kajli Minoŭh raskazała, jak u jaje druhi raz dyjahnastavali rak i jak jana nie chacieła pra heta raskazvać
-
«Jeŭrabačańnie» vyjhrała Bałharyja. Heta pieršaja pieramoha hetaj krainy ŭ historyi konkursu
-
Finlandyja, Danija, Narviehija. Abo Hrecyja ci Francyja? Top sioletniaha «Jeŭrabačańnia»
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma16
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času2020
Kamientary