U Hajnaŭcy prajšoŭ «marš vyklatych žaŭnieraŭ». Ale i akcyja pratestu suprać šeścia sabrała 300 čałaviek FOTY
U Hajnaŭcy na Padlaššy adbyŭsia 4-ty marš pamiaci «vyklatych žaŭnieraŭ», što pravodzicca ŭ Polščy tradycyjna ŭ Dzień pamiaci antynacysckaha i antysavieckaha padpolla i Armii Krajovaj.
Prablema z maršam u Hajnaŭcy ŭ tym, što jon pravodzicca ŭ honar partyzanskaha kamandzira Ramualda Rajsa (Buraha), atrad jakoha ŭ 1946—1947 hadach sprabavaŭ adstrašyć ludziej ad supracy z kamunistyčnymi ŭładami i vyklikać vyjezd pravasłaŭnych z Padlašša ŭ BSSR.
Buraha i jaho padnačalenych vinavaciać u zabojstvie 79 mirnych žycharoŭ viosak na Padlaššy, tamu ŭ Hajnaŭcy marš vyklikaje zakonnaje abureńnie.
Siońnia marš prachodziŭ, jak i zaŭždy pad łozunham: «Bury — naš hieroj». Kala sabora maršu pieraharadzili šlach «Hramadzianie Polščy» z ružami ŭ rukach. Sam marš prajšoŭ ad kaścioła da haradskoj upravy i doma kultury, dzie adbyłasia lekcyja pra Buraha.
Pierad maršam miascovyja žychary zładzili žałobnyja akcyi ŭ pamiać biaźvinnych achviaraŭ.
Z samaha ranku ŭ carkvie ŭ Hajnaŭcy prajšła liturhija, paźniej panichida ŭ pamiać biaźvinna zahinułych, zakatavanych i spalenych adździełam Buraha. Śviatar paśla panichidy adznačyŭ, što Bury byŭ złačyncam i nielha jaho ličyć i nazyvać hierojem.
Paźniej u centry Hajnaŭki prajšła akcyja «Viečnaja pamiać», na jaje sabrałasia kala 300 čałaviek. Pryjechali palityki z partyi «Razam», polskija hramadzianie, pryjšli žychary Hajnaŭki. Pračytali proźviščy zahinułych, zapalili źničy pamiaci. Taksama prajšła fotavystava «Naša pamiać», jakaja vyklikała vialikaje zacikaŭleńnie, asabliva ŭ tych, chto pryjechaŭ ź inšych miescaŭ Polščy, bo jany ŭpieršyniu pabačyli historyju taho piekła, jakoje ździejśniŭ tut Bury, paviedamlaje Radyjo Racyja.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary