Juryj Turonak paśmiarotna, a taksama Natalla Radzina byli ŭznaharodžanyja miedalom BNR
9 lutaha ŭ Varšavie hałoŭnaja redaktarka sajta «Chartyja97» Natalla Radzina była ŭznaharodžanaja miedalom da stahodździa BNR. Taki ž miedal atrymała ŭdava vybitnoha biełaruskaha historyka Juryja Turonka. Na žal, miedalom da 100-hodździa BNR jaho ŭznaharodzili paśmiarotna, paviedamlaje charter97.link.
Uznaharodu Radzinaj uručyŭ pradstaŭnik Rady BNR Alaksiej Dzikavicki.
Byŭ začytany dekret staršyni Rady BNR Ivonki Surviły ab uznaharodžańni miedalom hałoŭnaj redaktarki «Chartyi-97» Natalli Radzinaj.
«Atrymać hety miedal ad Rady BNR dla mianie - vialiki honar. Biełaruskaja Narodnaja Respublika - heta simvał našaj niezaležnaści i svabody», — skazała Radzina.
18 lutaha miedalom BNR byŭ paśmiarotna ŭznaharodžany vybitny historyk Jury Turonak. Uznaharoda była ŭručanaja jaho ŭdavie Zinaidzie Turonak.
Miedal, siarod inšych, atrymajuć piśmieńnik Uładzimir Arłoŭ, pasoł Švecyi ŭ Biełarusi Stefan Eryksan, akademik Radzim Harecki, stvaralniki etałona dziaržaŭnaha hierba «Pahonia» Alaksiej Maračkin i Leŭ Tałbuzin i mnohija inšyja.
Miedal da stahodździa BNR biełaruski ŭrad u emihracyi ŭručaje «za pryžyćciovyja zasłuhi ŭ pracy dziela ździajśnieńnia ideałaŭ Aktu 25 sakavika 1918 hoda, u tym liku za daśledavańni i papularyzacyju biełaruskaj movy, zdabyćcio i ŭmacavańnie dziaržaŭnaj niezaležnaści Biełarusi, baraćbu za svabodu i demakratyju ŭ Biełarusi».
-
«Pahladzicie na toje, što adbyvajecca va Ukrainie prosta zaraz, u hetuju chvilinu». Eks-prezident Juščanka źviarnuŭsia z adkrytym listom da Trampa
-
U Biełarusi ŭpieršyniu źjaviłasia łamanaja raźmietka
-
Byłoha vykładčyka duchoŭnaha vučylišča, jaki žanaty z maładziejšaj za jaho na 30 hod studentkaj, vypuścili ź izrailskaj palicyi
Ciapier čytajuć
Jamu vybili čatyry zuby, a paśla vykinuli z krainy. Ciapier byłoha palitviaźnia aryštavali ŭ Łatvii z šaściu mihrantami ŭ mašynie13
Kamientary