Maładym rasijskim navukoŭcam, na śpiecyjalnaść jakich jość popyt u inšych krainach, nieabchodna abmiežavać svabodnuju emihracyju, kab źnizić adtok «talenavitaj moładzi» za miažu. Z takoj inicyjatyvaj vystupiŭ saviecki i rasijski navukoŭca-bijachimik i malekularny bijołah Hieorhij Hieorhijeŭ ŭ materyjale, apublikavanym u haziecie «Poisk»
Na dumku akademika RAN, zamiest biaspłatnaj vyšejšaj adukacyi varta ŭvieści tak zvanuju kredytnuju. U takim farmacie dziaržava pa-raniejšamu budzie pakryvać usie vydatki studenta na navučańnie, adnak paśla jaje zakančeńnia jon pavinien budzie nie mienš za 15 hadoŭ prapracavać u rasijskaj navucy. Paśla hetaha kredyt aŭtamatyčna pahasicca, u advarotnym vypadku navukoviec budzie abaviazany viarnuć jaho ŭ poŭnym abjomie.
Śpiecyjalist budzie mieć prava vyjazdžać za miežy krainy dla ŭdziełu ŭ navukovych kanfierencyjach i sumiesnych daśledavańniach z zamiežnymi kalehami.
«Ale ŭsie hetyja vyjezdy za miažu pavinny ŭzhadniacca z dyrekcyjaj instytuta i nie pieratvaracca ŭ pastajannuju pracu za miažoj. Za 15 hadoŭ mocny vučony, niesumnienna, atrymaje ŭ Rasii vydatnuju pazicyju i, vierahodna, užo nie zachoča źjazdžać», — adznačaje Hieorhijeŭ.
Nieabmiežavanaje ž prava na svabodnuju emihracyju buduć atrymlivać tolki tyja, chto apłaciŭ całkam navučańnie i nie atrymlivaŭ stypiendyju.
Vučony padkreśliŭ, što dadzienaje novaŭviadzieńnie pavinna tyčycca tolki tych abłaściej navuki, jakija intensiŭna raźvivajucca, u pryvatnaści takich, jak malekularnaja i kletkavaja bijałohija, infarmacyjnyja technałohii, mnohija raździeły fiziki.
U jakaści inšych mietadaŭ baraćby z adtokam maładych navukoŭcaŭ z krainy Hieorhijeŭ prapanuje taksama pavyšeńnie zarobkaŭ u dadzienaj halinie, stvareńnie fondaŭ dla finansavaj padtrymki navuki, vydaču biespracentnych kredytaŭ na kuplu žylla, a taksama farmiravańnie śpiecyjalnaha ekśpiertnaha orhana dla pracy z prablemami ŭ dadzienaj śfiery.
Kamientary