Rasśledavańnie AAN vyśvietliła, što zabojstva saudaŭskaha žurnalista Džamala Chašohi było staranna spłanavana i ździejśniena aficyjnymi asobami Saudaŭskaj Aravii. Pra heta ŭ čaćvier, 7 lutaha, paviedamiła śpiecdakładčyca AAN pa pazasudovych i masavych pakarańniach śmierciu Ańjes Kałamar, pieradaje Reuters.
Kałamar padkreśliła, što na dačynieńnie Er-Ryjada da zabojstva Chašohi pakazvaje šerah dokazaŭ.
Dakładčyca AAN zajaviła, što jaje kamanda atrymała dostup da častki «strašennych i šakujučych» aŭdyjozapisaŭ śmierci žurnalista.
Pavodle jaje słoŭ, saudaŭskija čynoŭniki pieraškadžali praviadzieńniu prakuraturaj Turcyi śledčych dziejańniaŭ na miescy złačynstva — u hienieralnym konsulstvie Saudaŭskaj Aravii ŭ Stambule ŭ kastryčniku 2018 hoda.
Kamientary