Prahramist ź Minska stvaryŭ telehram-bota, jaki palahčaje zmahańnie sa złosnymi parušalnikami parkoŭki
Ciapier da isnujučych instrumientaŭ baraćby z tymi, chto parkujecca nie pa praviłach, dadaŭsia jašče adzin. Minski prahramist napisaŭ telehram-bota (śpiecyjalnuju ŭnutranuju prahramu), jaki vyzvalaje ludziej ad nieabchodnaści zachodzić na sajt DAI ci pampavać šabłony zvarotaŭ, prymacoŭvać fotazdymki i adpraŭlać kantent pa pošcie.
Ciapier usio heta budzie zroblena za vas aŭtamatyčna pry dapamozie bota «Parkun» (zajdzicie ŭ telehram, uviadzicie łohin @parkun_by_bot u pošuk i karystajciesia).
Dastatkova nacisnuć «Start», prosta ŭ telehramie ŭvieści svaje proźvišča i imia, adrasy, dadać fotazdymki ź fiksacyjaj parušeńnia i nacisnuć knopku «adpravić u DAI». Paćvierdžańnie taho, što ŭsio atrymałasia, pryjdzie na vašu elektronnuju skrynku.
«Ja natchniŭsia isnujučymi voś tut krokami pa pryciahnieńni da adkaznaści parušalnikaŭ parkoŭki i vyrašyŭ trochi aŭtamatyzavać praces. Napisany mnoj bot sam adpraŭlaje zvaroty ŭ DAI ad imia karystalnika», — padzialiŭsia z «NN» małady čałaviek, jaki paprasiŭ nie raskryvać jaho imia.
U budučyni prahramist choča pašyryć funcyjanał bota na ŭsiu Biełaruś, a nie tolki na Minsk (choć u stalicy, kaniečnie, prablemy z parkoŭkaj samyja adčuvalnyja). A taksama płanuje dadać biełaruski šabłon, kab bot moh adpraŭlać zvaroty ŭ DAI nie tolki na ruskaj movie.
Jašče z parušalnikami prama zaraz minčuki zmahajucca pry dapamozie pietycyi.
Čytajcie taksama:
«Nie razumieju, čamu ŭ nas aktyŭna štrafujuć za hramadskuju aktyŭnaść, a z parušeńniami na stajankach pracujuć tak marudliva?»
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»3
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary