Ukrainskamu mastaku nie dazvolili namalavać murał u Minsku. I jon namalavaŭ jaho ŭ Tbilisi FOTY
U kancy 2017 hoda minskaja haradskaja rada ekśpiertaŭ nie dazvoliła ŭkrainskamu mastaku namalavać murał u horadzie. Takim malunkam płanavali raśpisać ścianu doma na Mahiloŭskaj, 16. U vyniku mastak realizavaŭ hety prajekt u Tbilisi, paviedamlaje ŭ fejsbuku kampanija Signal project, jakaja rychtavała hety murał dla Minska.
Asnoŭnaja ideja hetaha murała — nieabchodnaść znajści bałans u niepradkazalnym žyćci. Maładaja kvołaja dziaŭčyna sprabuje ŭtrymacca na kučy chaatyčna raskidanych kresłaŭ, što adlustroŭvaje ŭnutranuju harmoniju čałavieka.
Eskiz stvaraŭsia admysłova dla Minska ŭ miežach prajekta urbanmyths. I navat madel — biełaruska. Ale na niekalkich pasiadžeńniach Minskaj haradskoj mastacka-ekśpiertnaj rady pa manumientalnym i manumientalna-dekaratyŭnym mastactvie eskiz nie byŭ zaćvierdžany.
«Taksama my sprabavali ŭzhadnić hetuju rabotu ŭ šerahu rajonnych administracyj, ale paŭsiul nam raili rabić «niešta bolš pazityŭnaje». Maŭlaŭ, hety eskiz «zanadta tryvožny» i niasie niapravilny padtekst»,
— paviedamlaje Signal project.
Ciapier čytajuć
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki2
Siłaviki zavitvajuć da biełarusaŭ, jakich užo nie mohuć pryciahnuć pa kryminałcy za ŭdzieł u maršach, z maski-šou — dla prafiłaktyki
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary