Brytanskaja pałata abščyn u aŭtorak dała start vialikim uzrušeńniam, pieravažnaj bolšaściu hałasoŭ adchiliŭšy ŭzhodnieny uradam Brytanii i Jeŭrasajuzam prajekt damovy ab vychadzie ź ES. Lidar apazicyi Džeremi Korbin tut ža inicyjavaŭ votum niedavieru ŭradu, piša BBC.
Heta moža pryvieści da adstaŭki ŭrada, daterminovych vybaraŭ, adterminoŭki «brekzitu» i navat paŭtornaha refierendumu ab členstvie Brytanii ŭ Jeŭrasajuzie.
Suprać damovy prahałasavali 432 deputaty, za jaje — 202 deputaty, i parazy ŭrada z takim razryvam — 230 hałasoŭ — nie było jašče nikoli ŭ historyi brytanskaha parłamienta.
«Heta katastrafičnaje paražeńnie ŭrada», — skazaŭ lidar apazicyjnaj Lejbarysckaj partyi Džeremi Korbin i abviaściŭ, što aficyjna ŭnosić prapanovu ab votumie niedavieru ŭradu.
Tereza Mej, u svaju čarhu, abviaściła, što kali apazicyja inicyjuje votum niedavieru ŭradu, to jaje kabiniet hatovy arhanizavać abmierkavańnie i hałasavańnie zaŭtra ž.
Kamientary