Dziaržduma RF pryniała ŭ trecim, kančatkovym čytańni zakonaprajekt, zhodna ź jakim zabaraniajecca raźmiaščać na vulicach infarmacyjnyja tabło z kursami zamiežnych valut. Pra heta havorycca na sajcie nižniaj pałaty rasijskaha parłamienta.
Novaja redakcyja zakona «Ab valutnym rehulavańni i valutnym kantroli» daje Centrabanku prava vyznačać dla kredytnych arhanizacyj patrabavańni da raźmiaščeńnia infarmacyi ab kursach valut. Raniej u CB RF tłumačyli nieabchodnaść takoj zabarony baraćboj ź niezakonnymi abmieńnikami, jakija aktyŭna vykarystoŭvajuć źniešniuju rekłamu dla pryciahnieńnia nasielnictva.
Na dumku rehulatara, prablemu možna vyrašyć, tolki kali abaviazać kredytnyja ŭstanovy raźmiaščać tabło z kursami valut unutry pamiaškańniaŭ.
Kamientary