«Pakinuć krainu da apoŭnačy». Minskaja milicyja pakinuła rašeńnie pra vysyłku pres-sakratara AHP u sile
HUUS Minharvykankama razhledzieła skarhu pres-sakratara AHP Hanny Krasulinaj na rašeńnie ab vysyłcy, jakoje pryniało Upraŭleńnie ŭnutranych spraŭ Maskoŭskaha rajona Minska. HUUS pakinuła rašeńnie ŭ sile.
13 listapada Hannu Krasulinu vyklikali ŭ RUUS Maskoŭskaha rajona Minska, dzie ŭručyli apaviaščeńnie ab vysyłcy ź Biełarusi terminam na adzin hod. Pakinuć krainu jana pavinna była da 30 listapada. Pryčyna vysyłki ŭ tym, što Krasulina nieadnarazova — trojčy — pryciahvałasia da administracyjnaj adkaznaści, ź ich dvojčy — za ŭdzieł u niesankcyjanavanych masavych mierapryjemstvach, adzin raz — za nieapłačany ŭ aŭtobusie prajezd. Usie štrafy aktyvistka pahasiła, ale ŭ paviedamleńni było skazana: «Vysłać u intaresach hramadskaj biaśpieki».
28 listapada Hanna Krasulina padała ŭ HUUS Minharvykankama skarhu na rašeńnie ab vysyłcy, u jakoj napisała, što ličyć rašeńnie nieabhruntavanym i niezakonnym. U skarzie jana pakazała, što za hady žyćcia ŭ Biełarusi ŭ jaje skłalisia ŭsie siamiejnyja i sacyjalnyja suviazi, tut jana maje ŭłasnaść i srodki da isnavańnia. Nijakich padobnych suviaziaŭ u jaje niama ŭ nivodnaj inšaj krainie, u tym liku ŭ krainie hramadzianstva — Rasii.
Vyjechać z krainy Krasulina pavinna siońnia, 30 listapada.
U adździele pa hramadzianstvie i mihracyi Krasulinaj siońnia ŭručyli adkaz HUUS na skarhu.
«Vaša skarha, adrasavanaja ŭ HUUS, razhledžana i pakinutaja biez zadavalnieńnia. Pryniataje Maskoŭskim UUS rašeńnie ab vysyłcy ŭ dačynieńni da vas źjaŭlajecca zakonnym i abhruntavanym, paradak vysyłki vykanany», — skazana ŭ adkazie HUUS.
U vusnym paradku Krasulinaj taksama nahadali, što termin jaje vysyłki pačynajecca zaŭtra, tamu jana pavinna pakinuć Biełaruś da poŭnačy.
— Zaraz ja jedu da advakata, budziem rychtavać skarhu ŭ sud. Spadziajusia, paśpieju jaje adpravić. Pakul jaje budzie razhladać sud, ja maju prava znachodzicca ŭ krainie. U lubym vypadku pakul ja zastajusia ŭ Minsku, - skazała Krasulina.
Hanna Krasulina, jakuju vysyłajuć z krainy: Maje dzieci — biełarusy. I heta najlepšy dokaz majoj biełaruskaści
-
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna
-
U Baranavičach ušanavali pamiać lotčykaŭ-hierojaŭ Andreja Ničyporčyka i Mikity Kukanienki
-
Na vybarach u Kaardynacyjnuju radu nie zmahli prahałasavać try pracenty
Kamientary