Z hetaje nahody aŭtar idei, układalnik i redaktar dyska Sieviaryn Kviatkoŭski sklikaŭ u paniadziełak admysłovuju pres‑kanfierencyju.
Na pres-kanfierencyi Sieviaryn Kviatkoŭski zaznačyŭ, što ŭpieršyniu ŭ Biełarusi realizavany prajekt, kali roznyja aŭtary ŭ roznych stylach pišuć litaraturnyja minijaciury — fraški i abjadnoŭvajuć na adnym dysku nie teksty, a svaje hałasy. Siarod aŭtaraŭ bieletryst i scenaryst Uładzisłaŭ Achromienka, paetka i pierakładčyca Maryjka Martysievič, muzykant i vykładčyk Alaksandr Sapieha.
Na dumku aŭtara prajekta, fraški — jak aniekdoty žyćcia, mini‑apaviadańni, zamaloŭki — źjaŭlajucca «viasiołymi pa formie historyjami na surjoznyja temy žyćcia sučasnaj Biełarusi i biełarusaŭ».
Siarod hierojaŭ historyj viadomyja ŭ krainie asoby: Valancin Akudovič, Uładzimir Arłoŭ, Adam Hłobus, Siarhiej Dubaviec, Kasia Kamockaja, Artur Klinaŭ, Andrej Chadanovič, a taksama turysty, pracaŭniki siała, ludzi ŭ pahonach, taksisty, śviatary, dzieci, słužboŭcy, pastuchi, muzykanty, miedyki, rabotniki kultury, vykładčyki i pierakładčyki.
Prajekt «Narodnyja fraški. Supolny albom» źjaviŭsia ź jaho knižki «Fraški da plaški», jakaja atrymała litaraturnuju premiju «Załataja litara» za 2007 hod.
Prezientacyja dyska z udziełam jaho aŭtaraŭ adbudziecca 17 śniežnia ŭ minskaj mastackaj halerei «Falvarak «Dobryja myśli».
Hałoŭnym śpikieram Žanočaha forumu ŭ Minsku stanie rasijski kryndžovy psichołah, jaki raskazvaŭ pra «pamiać žanočych pałavych hub»12
Kamientary