Chakieisty mienskaha «Dynama» paśla marš-kidka na Daloki Uschod zaviaršyli 4-matčavuju vyjaznuju sieryju va Ufie pajadynkam suprać «Sałavata Jułajeva». «Zubry» byli razhromlenyja z roźnicaj u 5 šajbaŭ, piša tut.by.
U troch papiarednich matčach «zubry» zarabili ŭsiaho 2 ački, u dramatyčnym dvuboi ŭ Chabaraŭsku vyrvaŭšy pa bulitach viktoryju ŭ «Amura» (4:3 B). A voś vizity da kitajskaha «Kuńłuń» (1:4) u Šanchaj i da najhoršaj kamandzie lihi «Admirała» (1:5) va Uładzivastok zaviaršylisia dla minčukoŭ biassłaŭna.
Va Ufie šerah niaŭdač praciahnuŭsia, a kolkaść prapuščanych šajbaŭ akazałasia jašče bolšaj.
«Sałavat Jułajeŭ» - «Dynama-Minsk» - 6:1 (2:1, 3:0, 1:0).
Z vyjezdu na Daloki Ŭschod i va Ufu «Dynama» viazie 2 ački z 8 mahčymych i sieryju z tych parazaŭ zapar z ahulnaj roźnicaj šajb 3-15 u troch apošnich sustrečach.
Z 20 ačkami ŭ 32 matčach minskaje «Dynama» dzielić 11-12-ja miescy na dnie Zachodniaj kanfierencyi z čarapavieckaj «Sievierstallu».
28 listapada na lodzie «Minsk-Areny» «Dynama» prymie finski «Jokieryt» (pačatak u 19.30).
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju1
Kamientary