Vienhierski łaŭkoster Wizz Air moža adkryć pramyja rejsy ŭ Minsk, paviedamiŭ siońnia žurnalistam dziaržaŭny sakratar Ministerstva zamiežnych spraŭ i źniešniaha handlu Vienhryi Čaba Bałah.
Čaba Bałah adznačyŭ, što abmiarkoŭvajecca pytańnie ab pavieličeńni kolkaści pramych avijarejsaŭ u Biełaruś. «U nas ciesnyja, dobryja adnosiny z avijakampanijaj vienhierskaha pachodžańnia — Wizz Air. Pasprabujem abmierkavać ź joj adkryćcio pramych rejsaŭ u Biełaruś. Napeŭna, u nastupnym hodzie pradstaŭniki kampanii pryjeduć siudy (u Minsk) i pačnuć praktyčnuju realizacyju», — skazaŭ jon.
Pramyja avijarejsy, pa słovach pradstaŭnika MZS, važnyja nie tolki dla turystaŭ, ale i dla biznesmienaŭ. «Isnujuć pramyja rejsy pamiž krainami dva-try razy na tydzień. Dla biznesu hetaha niedastatkova», - dadaŭ jon.
Kamientary