Paetyčnyja čytańni pry śviečkach raspačnucca a 20-j hadzinie.
Arhanizatary nahadvajuć, kab ludzi vielmi ciopła apranalisia i brali z saboju parasony. Na miescy buduć termasy z haračy pitvom, daždžaviki.
Kab dabracca na hramadskim transparcie, treba jechać da prypynku Zialony Łuh — 6, a paśla prajści praz usie Kurapaty da miesca zboru, na zachodni bok Kurapataŭ.
Kali jechać na mašynie, to punkty dla parkovak: najbližejšaja, nievialičkaja, zboku zasłaŭskaj darohi, parkoŭka na zapraŭcy Biełnaftachima. Jość jašče parkoŭka na kalcavoj inšaha (uschodniaha) boku Kurapataŭ, kali parkavacca tut, treba prajści da miesca praz usie Kurapaty.
Kali kamu treba budzie ŭ prybiralniu, jana znachodzicca na zapraŭcy, jakaja ź miesca našaha mierapryjemstva budzie trošku bačna.
Čakajucca vystupy paetaŭ i bardaŭ.
Na mierapryjemstvie buduć źbiracca hrošy na ŭšanavańnie Kurapat. Sioleta, nahadvajuć inicyjatary čytańniaŭ, na 70 novych vialikich kryžoŭ vakoł Kurapat było sabrana kala 9000 rubloŭ. U płanach — pastavić jašče 57 vializnych novych kryžoŭ, kab abnieści imi ŭvieś pierymietr Kurapat.
«Siońniašnija litaraturnyja čytańni nie źjaŭlajucca ni palityčnaj akcyjaj, ni niejkim pierformansam — heta ŭšanavańnie pamiaci zhublenych piśmieńnikaŭ», — nahadvajuć inicyjatary. Pieršaja takaja «Noč rasstralanych paetaŭ» prajšła ŭ minułym hodzie.
Praź dzieviać miesiacaŭ paśla vyzvaleńnia pamior palitviazień Valeryj Bohdan7
Kamientary