Rasijski žurnalist pra žyćcio ŭ Biełarusi: Tut dobra, kali vy nie pažyć, a ŭ hości
Karespandent «Maskoŭskaha kamsamolca» Alaksandr Sarokin dzielicca ŭražańniami pra dośvied žyćcia ŭ Biełarusi.
Fota: MK.
Staŭleńnie da rasijan
Žurnalist ličyć, što staŭleńnie da rasijan u Biełarusi davoli strymanaje. Sami pa sabie biełarusy pieravažna dobrazyčlivyja i ŭśmiešlivyja praktyčna da luboha surazmoŭcy i spadarožnika.
«Ale voś pryznavać vyklučnuju i asablivuju rolu Rasii niejak nie asabliva harać žadańniem. Asabliva moładź. Prosta ŭsim zrazumieła, što ekanomika Biełarusi šmat u čym zaležyć ad ruskich hrošaj, a pryznavać svaju zaležnaść, paviercie, nie vielmi pryjemna»,
— upeŭnieny žurnalist.
Mova
Žurnalist piša, što ŭ haradach možna sustreć šyldy jak na ruskaj, tak i na biełaruskaj movach. U Sarokina skłałasia ŭražańnie, što apošnim časam byŭ uziaty kurs na biełarusizacyju.
— Pryjechaŭšy sioleta ŭ Homiel — druhi pa vieličyni horad krainy, — sa ździŭleńniem ubačyŭ, što na čyhunačnym vakzale šyldy jość na biełaruskaj, anhlijskaj i kitajskaj movach.
Hrošy
Žurnalist piša, što zarobki ŭ biełarusaŭ nievialikija. Vielmi mnohija pracujuć u Polščy ci ŭ Rasii. Pry hetym u Biełarusi davoli nizkija ceny na pasłuhi ŽKH.
Transpart
Ceny na čyhunku ŭnutry krainy istotna nižejšyja za rasijskija (prykładna ŭ dva-try razy). A voś u hramadskim transparcie prajezd kaštuje amal stolki ž, kolki i ŭ rasijskim.
Kali kazać pra mižharodnija i pryharadnyja znosiny, to elektryčka akazvajecca ŭ paŭtara raza tańniejšaja za aŭtobus. U toj čas jak u Rasii — naadvarot.
Handal
Žurnalist z Uładzimira ličyć, što bujnych handlovych praduktovych sietak u krainie mała. U asnoŭnym raspaŭsiudžany nievialikija kramy farmatu «kala doma», u jakich jość usio nieabchodnaje, ale asartymient nie nadta vialiki. Zatoje tam pradajuć toje, čaho nielha kupić u Rasii.
Pradukty
Sarokin ličyć, što biełaruskija pradukty pa jakaści mała adroźnivajucca ad rasijskich.
«Ale kandytarskija vyraby, sapraŭdy, pieravažna jakasnyja i smačnyja. Šakaładki vytvorčaści miascovych fabryk robiacca ź ciortaj kakavy i nie nahadvajuć rasijskich sałodkich plitak», — piša žurnalist.
Dobraŭparadkavańnie i darohi
Hadoŭ šeść tamu darohi sapraŭdy byli dobryja, adznačaje aŭtar. Ale pryjechaŭšy ŭ sioleta, žurnalist nie znajšoŭ asablivaj roźnicy z rasijskimi.
U kancy žurnalist robić vysnovu, što ŭ Biełarusi dobra, asabliva kali siudy pryjechać nie pažyć, a ŭ hości.
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
-
Nasta Rahatko: Usich, chto suprać udziełu biełarusaŭ u iventach rasijan, ja čakaju ŭbačyć na kirmašach polskich, brytanskich, ispanskich
Ciapier čytajuć
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»42
Piać dzion, 60 udzielnikaŭ, saŭna, biljard i kryki adzin na adnaho. Raskazvajem, jak prajšła zakrytaja «hulnia Mackieviča»
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary