Расійскі журналіст пра жыццё ў Беларусі: Тут добра, калі вы не пажыць, а ў госці
Карэспандэнт «Маскоўскага камсамольца» Аляксандр Сарокін дзеліцца ўражаннямі пра досвед жыцця ў Беларусі.
Фота: МК.
Стаўленне да расіян
Журналіст лічыць, што стаўленне да расіян у Беларусі даволі стрыманае. Самі па сабе беларусы пераважна добразычлівыя і ўсмешлівыя практычна да любога суразмоўцы і спадарожніка.
«Але вось прызнаваць выключную і асаблівую ролю Расіі неяк не асабліва гараць жаданнем. Асабліва моладзь. Проста ўсім зразумела, што эканоміка Беларусі шмат у чым залежыць ад рускіх грошай, а прызнаваць сваю залежнасць, паверце, не вельмі прыемна»,
— упэўнены журналіст.
Мова
Журналіст піша, што ў гарадах можна сустрэць шыльды як на рускай, так і на беларускай мовах. У Сарокіна склалася ўражанне, што апошнім часам быў узяты курс на беларусізацыю.
— Прыехаўшы сёлета ў Гомель — другі па велічыні горад краіны, — са здзіўленнем убачыў, што на чыгуначным вакзале шыльды ёсць на беларускай, англійскай і кітайскай мовах.
Грошы
Журналіст піша, што заробкі ў беларусаў невялікія. Вельмі многія працуюць у Польшчы ці ў Расіі. Пры гэтым у Беларусі даволі нізкія цэны на паслугі ЖКГ.
Транспарт
Цэны на чыгунку ўнутры краіны істотна ніжэйшыя за расійскія (прыкладна ў два-тры разы). А вось у грамадскім транспарце праезд каштуе амаль столькі ж, колькі і ў расійскім.
Калі казаць пра міжгароднія і прыгарадныя зносіны, то электрычка аказваецца ў паўтара раза таннейшая за аўтобус. У той час як у Расіі — наадварот.
Гандаль
Журналіст з Уладзіміра лічыць, што буйных гандлёвых прадуктовых сетак у краіне мала. У асноўным распаўсюджаны невялікія крамы фармату «каля дома», у якіх ёсць усё неабходнае, але асартымент не надта вялікі. Затое там прадаюць тое, чаго нельга купіць у Расіі.
Прадукты
Сарокін лічыць, што беларускія прадукты па якасці мала адрозніваюцца ад расійскіх.
«Але кандытарскія вырабы, сапраўды, пераважна якасныя і смачныя. Шакаладкі вытворчасці мясцовых фабрык робяцца з цёртай какавы і не нагадваюць расійскіх салодкіх плітак», — піша журналіст.
Добраўпарадкаванне і дарогі
Гадоў шэсць таму дарогі сапраўды былі добрыя, адзначае аўтар. Але прыехаўшы ў сёлета, журналіст не знайшоў асаблівай розніцы з расійскімі.
У канцы журналіст робіць выснову, што ў Беларусі добра, асабліва калі сюды прыехаць не пажыць, а ў госці.
-
Ты рускамоўны чалавек свету ці ты чалавек беларускі? Кейс Насты Рагатко
-
«Валасы дыбарам». У ютубе з'явіліся відэаролікі па гісторыі Беларусі, ад пачатку да канца напісаныя штучным інтэлектам
-
Наста Рагатко: Усіх, хто супраць удзелу беларусаў у івэнтах расіян, я чакаю ўбачыць на кірмашах польскіх, брытанскіх, іспанскіх
Цяпер чытаюць
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»28
Пяць дзён, 60 удзельнікаў, саўна, більярд і крыкі адзін на аднаго. Расказваем, як прайшла закрытая «гульня Мацкевіча»
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары