Mistyka, fantastyčnaja pryroda i biełaruskaja mova: čamu treba adpravić vašaha školnika na pryhodnickuju prahramu «Dzikaje palavańnie»
Da vosieńskich vakacyj jašče zastajecca kolki času, i možna paśpieć zapisać vašych školnikaŭ na prahramu «Dzikaje palavańnie» pa matyvach mistyčnych tvoraŭ Uładzimira Karatkieviča.
Na ceły tydzień dzieci akunucca ŭ historyju Biełarusi ź jaje šlachieckimi tradycyjami, narodnymi vieravańniami i viaskovym žyćciom — u prahramie ŭsiaho patrochu. Asabliva pryjemna, što ŭsia kamunikacyja adbyvajecca na biełaruskaj movie.
Što heta takoje?
«Dzikaje palavańnie» — adna sa šmatlikich prahram dla dziaciej pryhodnickaha łahiera «Lehienda», stvoranaha ahienctvam cikavych śviataŭ «Terytoryja hulni». Heta asobny suśviet sa svaimi zakonami i piersanažami, tajamničaj atmaśfieraj i ŭsimi atrybutami mistyčnaha naratyvu.
Ceły tydzień dzieci buduć žyć u pryhožaj siadzibie na poŭnačy Biełarusi, dychać śviežym pavietram, znajomicca z historyjaj i kulturaj našaj krainy, brać udzieł u sapraŭdnych čaroŭnych abradach, napaŭniacca enierhijaj sumiesnaha baŭleńnia času i atrymlivać kaštoŭny dośvied uzajemadziejańnia adno z adnym.
Dla kaho?
Školniki 10—15 hadoŭ. U hrupie — maksimum dziesiać čałaviek.
Kali?
Padčas vosieńskich vakacyj, z 28 kastryčnika pa 3 listapada.
Dzie?
Siadziba «Zapaviedny vostraŭ» u vioscy Šo Hłybockaha rajona Viciebskaj vobłaści. Miesca tak nazyvajecca niezdarma: draŭlanyja damy, akružanyja viekavymi chvojami, raźmieščany na sapraŭdnym vostravie pamiž dvuma aziorami — Ivieś i Šo. Dabracca da siadziby z «vialikaj ziamli» možna pa mastku abo na łodcy.
Kamu telefanavać?
Ahienctvu cikavych śviataŭ «Terytoryja hulni»: + 375 29 318 24 37.
Ahienctva «Terytoryja hulni» ŭžo kolki hod zajmajecca arhanizacyjaj zabaŭlalnych tematyčnych łahieraŭ dla dziaciej. Ich admietnyja rysy — heta pilnaja raspracoŭka prahram, biezdakorny scenar, prafiesijnyja akciory, kaściumy, jakija «bjuć» na sto pracentaŭ, i poŭnaja adpaviednaść abranaj temie. U kožnaj prahramie dzieci — nie naziralniki za padziejami, a ich ŭdzielniki i navat stvaralniki, jakija pa-sapraŭdnamu pražyvajuć kožny momant kazačnaj realnaści.
U hetyja vosieńskija vakacyi pryhodnicki łahier pryśviečany mistyčnamu śvietu Uładzimira Karatkieviča i projdzie pad znakam staražytnych lehiendaŭ i tradycyj. Heta ŭžo nie pieršy siezon «Dzikaha palavańnia», i pa dośviedzie papiarednich prahram možna z upeŭnienaściu adznačyć: kali vy chočacie, kab vašyja dzieci hłybiej paznali i palubili svaju krainu, cikavilisia jaje historyjaj i kulturaj, to vam siudy.
Umoŭna ŭsia prahrama padzialajecca na niekalki častak. Aktyŭnaści harmanična ŭviazanyja adzinaj kanvoj, choć kožnaja pryśviečana asobnamu płastu historyi i kultury. Mova łahiera — biełaruskaja.
Na «Dzikim palavańni» školniki paznajomiacca ź biełaruskaj narodnaj kulturaj: staradaŭnimi pieśniami, tancami, hulniami, karahodami i prypavieściami.
Višańkaj na torcie ŭ hetaj častcy prahramy stanuć kazki ad babuli. Ujavicie sabie: za aknom — nieprahladnaja ciemra poźniavosieńskaha viečara, vołkaść u pavietry, pałaje liście, ścielucca hustyja tumany. A ŭ ciopłaj draŭlanaj chacie pa ścienach žvava biehajuć cieni ad ahieńčykaŭ śviečak, pakul babula raskazvaje ścišanaj dziatvie čaroŭnyja historyi.
Jašče adzin błok pryśviečany tradycyjam biełaruskaj šlachty, u tym liku i kurtuaznym manieram, jakija praktykavalisia ŭ vysakarodnym sasłoŭi. Padletkavy ŭzrost — samy čas navučycca pavodzić siabie vietliva i pavažliva. Naohuł u hramadstvie, a taksama ŭ adnosinach da procilehłaha połu. Sapraŭdny šlachcic Jury daść dzieciam uroki pavodzin. A jašče raskaža šmat cikavaha pra pobyt i zvyčai biełaruskaj šlachty. Bo, raskryjem nievialiki sakret, naš Jury — nie tolki vialmožny pan, ale i samy sapraŭdny historyk.
Tumannaje nadvorje poźniaj vosieni i čornyja siłuety dreŭ z amal całkam ablaciełym liściem dadajuć floru tajamničaści da ŭsiaho, što adbyvajecca, tak i čakaješ čaradziejstva pobač.
Klučavym momantam hetaj častki ŭ minułym siezonie było źjaŭleńnie Dzikaha palavańnia i źniaćcie čaraŭ z Vaŭkałaka. Adkul jon tut źjaviŭsia? Heta tajamničaja historyja kachańnia, zdradzy i litaści. Daŭnym-daŭno žyli-byli dva braty, adzin ź jakich praz zdradu pieratvaryŭsia ŭ pačvaru, i voś užo niekalki stahodździaŭ jon pakutuje ŭ źviarynym abliččy. Udzielniki prahramy vyratavali niebaraku, dla hetaha im pryjšłosia tvaram da tvaru sutyknucca z sapraŭdnaj mahijaj i pravieści rytuał źniaćcia čar. A što budzie dalej? Što čaroŭnaha adbudziecca na hetych vakacyjach? Školnikaŭ čakajuć cikavostki!
Paśla spraŭ mifičnych i mistyčnych školniki zmohuć dałučycca da dziejnaści praktyčnaha kštałtu. Ništo tak nie ŭmacoŭvaje duch, jak fizičnaja praca. U «Dzikim palavańni» praduhledžana i heta. Niedaloka ad siadziby jość fiermierskaja haspadarka, dzie zaŭsiody rady rabočym rukam. Piłavać drovy ci karmić žyŭnaść? Kali łaska, zakasvajcie rukavy i napierad! Paśla pracy na śviežym pavietry maładziecki apietyt harantavany.
«Razynačkaj» prahramy stanie vandroŭka ŭ Połacak, pa histaryčnych miaścinach jakoha praviadzie vopytny historyk.
Zamiest reziume. Navošta jechać na «Dzikaje palavańnie»?
- Pravieści tydzień na śviežym pavietry siarod najpryhažejšaj pryrody
- Razmaŭlać na biełaruskaj movie
- Daviedacca šmat cikavaha pra historyju i kultury svajoj krainy
- Dakranucca na kazki
- Pajeści smačnaj chatniaj ježy
- Pažyć u malaŭničaj viaskovaj chacie
- Zabycca pra hadžety i pravieści čas z adnahodkami
- Navučycca dobrym manieram
- Stać bolš samastojnym
Pa ŭsich pytańniach źviartajciesia, kali łaska, pa telefonie + 375 29 318 24 37 ci na sajt.
Hieroj Biełarusi Maryna Vasileŭskaja naradziła dačku ad kasmanaŭta Aleha Navickaha16
Kamientary