Rasii nieabchodna vyvieści svaje vojski z terytoryi Abchazii i Paŭdniovaj Asiecii, jakija Hruzija ličyć akupavanymi terytoryjami. Pra heta na ahulnych debatach vysokaha ŭzroŭniu 73-j siesii Hienasamblei AAN u Ńju-Jorku zajaviŭ premjer-ministr Hruzii Mamuka Bachtadze, paviedamlajuć Naviny Hruzii
Kiraŭnik hruzinskaha ŭrada abvinavaciŭ Rasiju ŭ nievykanańni mižnarodnych abaviazacielstvaŭ, uklučajučy Pahadnieńnie ab spynieńni ahniu ad 12 žniŭnia 2008 hoda. «My, sa svajho boku, vykanali heta pahadnieńnie całkam. Akramia taho, my vykonvajem jurydyčna abaviazkovaje pahadnieńnie ab nieprymianieńni siły. Heta paćviardžaje niezvarotnaść našaj palityki pa vyklučna mirnym urehulavańni hetaha kanfliktu. Mienavita tamu ja nastojliva zaklikaju Rasijskuju Fiederacyju vykanać padpisanyja mižnarodnyja abaviazacielstvy i vyvieści akupacyjnyja siły z terytoryi Hruzii», — skazaŭ Bachtadze.
Jon taksama dadaŭ, što dla mirnaha vyrašeńnia kanfliktu Tbilisi aktyŭna sprabuje zadziejničać farmat Ženieŭskich mižnarodnych dyskusij. Bachtadze adznačyŭ, što hetyja sproby sutykajucca na absalutna «nieabhruntavanyja i absalutna nieprymalnyja momanty supracivu z boku Rasii».
«U 21-m stahodździ, kali ludzi, nacyi i kultury imknucca da bolšaj intehracyi i raźvićcia, stvareńnie štučnych barjeraŭ i pieraškod, u tym liku i z kalučaha drotu, absalutna nieprymalnyja. My chočam vyjści z tupika na rasijska-hruzinskich pieramovach, ale damahčysia hetaha možna tolki pry pavazie terytaryjalnaj cełasnaści, suvierenitetu Hruzii i pryncypaŭ mižnarodnaha prava», — ukazaŭ jon.
Taksama Bachtadze źviarnuŭsia da žycharoŭ Abchazii i Paŭdniovaj Asiecii, skazaŭšy, što luby pośpiech Hruzii - heta i «ich pośpiech». Premjer zaklikaŭ rasijskija ŭłady «nie padryvać i nie kampramietavać mirnyja inicyjatyvy» uładaŭ Hruzii, aryjentavanyja na suhramadzian na akupavanych terytoryjach.
«U nas ahulnaje histaryčnaje minułaje, jakoje pavinna prakłaści šlach da našaj ahulnaj budučyni. Ja ŭpeŭnieny, ja pierakanany, što heta budzie budučynia miru i praćvitańnia. Abaviazak hruzinskich uładaŭ — abaranić i harantavać prava kožnaha hramadzianina, i my hatovyja vykonvać hety abaviazak niezvarotna. Jany pavinny karystacca ŭsimi vyhodami, dastupnymi ŭ Hruzii, niachaj heta buduć pravy čałavieka, adukacyja, achova zdaroŭja ci biaźvizavyja pajezdki ŭ Jeŭropu … Jašče raz ja chacieŭ by zaklikać Rasiju nie padryvać i nie kampramietavać našy mirnyja inicyjatyvy i dazvolić žycharam akupavanych terytoryj žyć hodnym žyćciom», - zaklučyŭ premjer-ministr Hruzii.
Kamientary