Admysłoŭcy ličać, što ŭ nastupny paniadziełak, mahčyma, adbudziecca samaja mahutnaja virusnaja ataka ŭ kamputarnaj historyi, dy zaklikajuć karystalnikaŭ być pilnymi, piša siońnia The Guardian.
Admysłoŭcy ličać, što ŭ nastupny paniadziełak, mahčyma, adbudziecca samaja mahutnaja virusnaja ataka ŭ kamputarnaj historyi dy zaklikajuć karystalnikaŭ być pilnymi, piša siońnia The Guardian.
Jak paviedamlajecca, eksperty ŭ halinie kamputarnaj biaśpieki kampanii PC Tools praanalizavali źviestki pra virusy j čarviakoŭ z bolš jak 500 tysiač kamputaraŭ z usiaho śvietu j nazvali 24 listapada dniom mahčymaha piku dziejnaści virtualnych złačyncaŭ u 2008 hodzie.
Letašnija źviestki pakazali, što samaja mocnaja ataka zdaryłasia za troje sutak da Dnia Dziakavańnia — z hetaha jany vysnavali, što toje samaje budzie i sioleta.
Jak tłumačyć kampanija, pavieličeńnie virusnaj aktyŭnaści ŭ hety čas źviazanaje z masavym internet-šopinham napiaredadni Kaladaŭ. Ludzi, jakija robiać pakupki on-łajn i hatovyja padać svaju finansavuju infarmacyju, akurat i stanoviacca achviarami machlaroŭ.
Tolki sioleta ŭ Vialikabrytanii, jak čakajecca, praź internet zrobiać pakupak na 15% adsotkaŭ bolej, čym letaś. Tym bolš što bahata chto ciapier, va ŭmovach finansavaj kryzy, addaść pieravahu nižejšym cenam internet-kramaŭ.
Zrešty, prodažy — nie adziny raznosčyk škadlivych prahram. Spamery j złačyncy ŭžo vykarystali papularnaść abranaha prezydenta ZŠA Baraka Abamy, kab zmusić karystalnikaŭ źlić sabie virus. Hetak, praz elektronnuju poštu rassyłałasia spasyłka na videa, dzie nibyta była pramova Abamy. A na samoj spravie na kamputar ustaloŭvaŭsia trajanski virus, paviedamlaje InoPressa.ru.
A tym časam Barak Abama karystajecca elektronnaj poštaj apošnija dni. Jon užo razasłaŭ svaim svajakam i siabram raźvitalnyja listy.
Sprava ŭ tym, što pavodle zakanadaŭstva ZŠA, prezydent musić vieści pierapisku takim čynam, kab jana ŭsia fiksavałasia słužbami Biełaha domu. Narešcie, biarecca pad uvahu i toje, što takaja pierapiska moža być pierachoplenaja trecim bokam.
Kamientary