24 vieraśnia ŭ Biełarusi cykłon «Fabjen» prynios daždžy i mocnyja paryvy vietru da 21 m/s. Biez zdareńniaŭ nie abyšłosia — niekalki mašyn byli paškodžanyja z-za pavalenych drevaŭ, 488 nasielenych punktaŭ było abiastočana. Pra heta paviedamlaje Tut.by sa spasyłkaj na pres-słužbu MNS.
Pavodle apieratyŭnych źviestak z pryčyny paryvaŭ vietru da 21 m/s paškodžany dach adnaho žyłoha doma i adnaho sielskahaspadarčaha budynka. Ratavalniki i inšyja słužby 44 razy vyjazdžali na likvidacyju nastupstvaŭ pavalenych drevaŭ. Byli zafiksavanyja 23 vypadki padzieńnia dreŭ u Bresckaj vobłaści, u Homielskaj vobłaści — 7 vypadkaŭ, u Mahiloŭskaj vobłaści — 13 vypadkaŭ i adzin fakt padzieńnia dreva ŭ Minskaj vobłaści. U vyniku byli paškodžanyja šeść lehkavych aŭtamabilaŭ. Paciarpiełych niama.

Taksama pa dadzienych DVA «Biełenierha» na praciahu sutak na terytoryi Biełarusi pieryjadyčna parušałasia elektrazabieśpiačeńnie 488 nasielenych punktaŭ. Usie adklučeńni byli apieratyŭna likvidavany.
Pavodle infarmacyi Biełhidramieta składanyja ŭmovy nadvorja zachavajucca i siońnia, 25 vieraśnia.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia

Kamientary