Nazvany samy biaśpiečny horad u śviecie. Minsk zaniaŭ dosyć vysokaje miesca
Servis Numbeo, jaki paraŭnoŭvaje statystyku złačynstvaŭ u śviecie, apublikavaŭ rejtynh samych biaśpiečnych haradoŭ 2018 hoda. Poŭny śpis raźmieščany na aficyjnym sajcie Numbeo.
Śpiecyjalisty servisu praanalizavali ŭzrovień złačynnaści ŭ 327 haradach i nazvali samym biaśpiečnym horadam stalicu AAE Abu-Dabi. Indeks złačynnaści tut skłaŭ 13,63%, a indeks biaśpieki - 86,37%.
Za im idzie horad Docha ŭ Katary (indeks złačynnaści - 14,48%), a dalej Bazel u Šviejcaryi (16,01%). U dziasiatku samych biaśpiečnych taksama ŭvajšli Sinhapur (16,23%), Kviebiek (16,43%), Osaka (16,77%), Tokia (16,86%), Bern (17,24%), Miunchien (17,45%) i Ciurych (19,01%).
Minsk u rejtynhu biaśpiečnych haradoŭ apynuŭsia na 36-m miescy. Indeks złačynnaści tut skłaŭ 25,88%.
Naprykład, Lublana — na 34-m miescy (indeks — 24,97%), Zahrab — 37-y (26,01%), Praha — 44-ja (27,55%), Vilnia — 63-ja (30,90%), Varšava — 71-ja (33,45%), Maskva — 184-ja (45,98%), Kijeŭ — 198-y (47,90%). Razam z tym Tbilisi — 16-y, a Talin — 17-y (20,46%).
U piaciorku samych kryminalnych haradoŭ uvachodziać: Durban (Paŭdniovaja Afryka), Fartaleza (Brazilija), Port-Morśbi (Papua — Novaja Hvinieja), Karakas (Vieniesueła), San-Piedra-Suła (Handuras).
Apytanka
U Minsku pamior adzin z samych viadomych zabojcaŭ Rasii. Jon žyŭ pad čužym imieniem i staŭ piśmieńnikam-fantastam5
Kamientary