Daŭni biełaruski recept: sakavity miasny rulet z duchmianaj načynkaj
Letam zaŭsiody jość cudoŭnaja nahoda sustrecca ź siabrami i blizkimi pad nazvaj «hajda na šašłyki». Dobraja kampanija i smačnaja ježa — heta najlepšaja formuła, jak pravieści volny čas. Ale leta skončyłasia, i, niahledziačy na pakul jašče ciopłyja dni, usie my viedajem, što chutka nam nie zachočacca vychodzić z chaty, nie kažučy ŭžo pra vyłazki na pryrodu.
Adnak źbiracca ź siabrami možna i doma: hałoŭnaje zapaścisia stravami, jakich chopić na vialikuju kampaniju. Siońnia prapanujem vam navučycca hatavać adnu z takich.
Ja trochu pierajnačyła recept ruleta falvarkovaha z knihi Juryja Kačuka «Moc smaku»: dadała bolš śpiecyj i źlohku źmianiła načyńnie. Ale sutnaść jahonaja zachavałasia: sakavity miasny rulet z duchmianym načyńniem.
Nam spatrebicca:
- 1 kh faršu, jałavičyna-śvinina;
- 2 łusty batona;
- 1 č. ł. soli;
- 0,5 č. ł. čornaha piercu;
- 1 č. ł. kalandry;
- 1 č. ł. papryki;
- 0,5 č. ł. čyrvonaha piercu čyli;
Baton zamočvajem u vadzie. Adciskajem i dadajom razam s sollu i ŭsiemi śpiecyjami da faršu. Jakasna źmiešvajem.
Dla načynki:
- šklanka suchich hryboŭ (prykładna 20 hr.);
- 4 varanyja jajki;
- 1 cybulina;
- 1 morkva;
- 2 st. ł. panirovačnych sucharoŭ;
- niekalki halinak piatruški;
- sol-pierac.
Zamočvajem hryby na hadzinu ŭ šklancy vady. Potym stavim ich varycca na maleńki ahoń. Chapaje paŭhadziny, kab jany stali miakkija. Hrybny advar zachoŭvajem dla padlivy. Hryby drobna narazajem.
Cybulinu narazajem na kubiki, morkvu trom na tarcy. Na patelni razahravajem alej, na jakim smažym cybulu i morkvu da miakkaści. Dadajom hryby i zdymajem z ahniu. Jajki narazajem na kubiki, zielaninu drobna siačem. Dadajom da načyńnia razam z sucharami, sollu i piercam.
Rulet praściej za ŭsio rabić z dapamohaj plonki. Na kavałak cełafanu vykładvajem farš (słojem prykładna 1 santymietr). Pasiaredzinie vykładvajem načynku. Akuratna padymajučy plonku, farmirujem rulet. Pierakładvajem jaho ŭ formu. Źvierchu nakryvajem falhoj.
Hrejem duchoŭku da 190 hradusaŭ. Zapiakajem hadzinu, potym zdymajem falhu i dajom ruletu jašče paŭhadziny dapiekčysia.
U heta čas robim padliŭku:
Na 2 častki aleju raspuskajem 1 častku muki. Trochi smažym i dadajom hrybny advar, vielmi dobra pamiešvajučy. Varym da zahuścieńnia, krychu solim.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary