Pres‑sakratar ministerstva zamiežnych spravaŭ Andrej Papoŭ zajaviŭ, što kiraŭnik Biełarusi ničoha nie kazaŭ pra namiery našaj krainy raźmiaścić rasiejskija rakietnyja kompleksy. «Iskandery» kupiać nia chutka i nie ŭ adkaz na PRA.
Pres‑sakratar ministerstva zamiežnych spravaŭ Andrej Papoŭ zajaviŭ, što ŭ materyjale ŭ hazecie «Wall Street Journal» była dapuščanaja niaviernaja interpretacyja słovaŭ kiraŭnika Biełarusi. Heta datyčycca vykazvańniaŭ adnosna planaŭ ZŠA pa razhortvańni systemy PRA ŭ Eŭropie i dziejańniaŭ u adkaz Rasiei, uklučna z raźmiaščeńniem kompleksaŭ «Iskander».
Papoŭ adznačyŭ, što skažeńnie sensu vykazvańniaŭ Łukašenki pryviało da mnostva domysłaŭ, jakija stali povadam dla niapravilnych acenak nia tolki siarod ekspertaŭ, ale i ŭ palityčnych kołach roznych dziaržaŭ.
«U suviazi z hetym chaču zajavić, što kiraŭnik Biełarusi nie rabiŭ nijakich zajava pra namiery našaj krainy raźmiaścić rasiejskija rakietnyja kompleksy «Iskander». U hetym lohka pierakanacca, kali źvierycca z stenahramaj interviju Łukašenki hazecie «Wall Street Journal», raźmieščanaj na sajcie kiraŭnika Biełarusi», — adznačyŭ A.Papoŭ.
Dalej adznačajecca, što ŭ ramkach prahramy pieraŭzbrajeńnia vojska pastupova zamianiajucca staryja rakietnyja kompleksy na novyja, u tym liku, mahčyma, i «Iskandery», ale heta navat «nia plany zaŭtrašniaha dnia».
Nahadajem, što napiaredadni aficyjny pradstaŭnik Dziarždepartamienta ZŠA Robiert Vud zajaviŭ, što raźmiaščeńnie rasiejskich rakietnych kompleksaŭ «Iskander» na terytoryi Biełarusi nie budzie spryjać zachavańniu stabilnaści ŭ eŭrapiejskim rehijonie.
«My ŭžo šmatrazova zajaŭlali, što systema PRA nie skiravana suprać Rasiei abo Biełarusi», — skazaŭ R.Vud.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary