Sustaršynia Palitrady Abjadnanych demakratyčnych siłaŭ Biełarusi Anatol Labiedźka siońnia vystupaje na forumie Kran‑Mantana. Pasiedžańnie prachodzić u Paryžy, u budynku Nacyjanalnaj asamblei Francyi.
Sustaršynia Palitrady Abjadnanych demakratyčnych siłaŭ Biełarusi Anatol Labiedźka siońnia vystupaje na forumie Kran‑Mantana. Pasiedžańnie prachodzić u Paryžy, u budynku Nacyjanalnaj asamblei Francyi.
Tema dyskusii — stan karupcyi ŭ śviecie. Siarod udzielnikaŭ sustrečy ministry i namieśniki ministraŭ justycyi, prakurory i ich namieśniki z šerahu krainaŭ. A.Labiedźka zaprošany na forum u jakaści specyjalnaha hościa. Jak paviedamiŭ jon «Svabodzie» pa telefonie z Paryžu, «aficyjnych asobaŭ ź Biełarusi tut niama».
Forum štohod pravodzić svajo hałoŭnaje mierapryjemstva ŭ haradku Kran‑Mantana (Švejcaryja). Akramia taho peryjadyčna arhanizujucca mižnarodnyja sustrečy pa jakoj‑niebudź vostraj prablemie. Mienavita ŭ hetym farmacie i prachodzić i zhadany paryski forum.
Cikava, što siońnia ž naradu ŭ spravie baraćby z karupcyjaj pravodzić u Miensku Alaksandar Łukašenka.
«Transparency International» užo šmat hadoŭ vymiaraje indeks usprymańnia karupcyi nasielnictvam roznych krainaŭ śvietu. Daśledavańni hetaj arhanizacyi śviedčać pra toje, što karupcyja ŭ Biełarusi va ŭsprymańni biełarusaŭ za apošnija hady rezka vyrasła: pry kancy 1990‑ch kraina była siarod 50 dziaržavaŭ, najmienš karumpavanych z punktu hledžańnia hramadzianaŭ. U 2006 hodzie jana była na 151‑m miescy sa 163‑ch, u 2007 — na 150‑m miescy sa 180‑ci.
Ciapier čytajuć
Chto pradaŭ kvateru ŭ «Majaku Minska» źnikłaj Mielnikavaj? Takoha čałavieka nie isnuje9
Kamientary