Sud Pieršamajskaha rajona razhladaŭ pytańnie ab nakiravańni 11-hadovaha chłopčyka ŭ śpiecyjalizavanuju vychavaŭčuju ŭstanovu.
Školnik nieadnarazova ździajśniaŭ drobnyja kradziažy, kradziažy čužoj majomaści i hrošaj.
«Supracoŭniki orhanaŭ unutranych spraŭ kožny raz ciarpliva pravodzili ź im indyvidualnuju prafiłaktyčnuju pracu, jaho pavodziny nieadnarazova razhladałasia na pasiadžeńniach kamisii pa spravach niepaŭnaletnich administracyi Pieršamajskaha rajona stalicy. Vychavaŭčyja i tłumačalnyja hutarki pravodzilisia i z baćkami. Darečy, maci padletka nieadnarazova pryciahvałasia da administracyjnaj adkaznaści za nievykanańnie abaviazkaŭ pa vychavańni dziaciej, — paviedamlaje Kaciaryna Dabravolskaja, aficyjny pradstaŭnik Pieršamajskaha RUUS h. Minska. — Chłopčyk byŭ papiaredžany, što ŭ vypadku sistematyčnaha ździajśnieńnia im supraćpraŭnych dziejańniaŭ jon moža być nakiravany ŭ śpiecyjalnuju navučalna-vychavaŭčuju abo lačebna-vychavaŭčuju ŭstanovu».
Ale chłopčyk tak i nie vypraviŭsia, kradziažy praciahvalisia. Kamisija pa spravach niepaŭnaletnich chadajničała ab nakiravańni jaho ŭ śpiecyjalnuju navučalna-vychavaŭčuju ŭstanovu.
Sudździa Viktoryja Makucha vyrašyła, što najbližejšyja 2 hady chłopčyk praviadzie ŭ vychavaŭčaj ustanovie.
Na pasiadžeńni suda prysutničali niepaŭnahadovyja pravaparušalniki. Ich sabrali, kab pakazać mahčymyja nastupstvy ich učynkaŭ.
«Praviadzieńnie padobnych vyjaznych pracesaŭ maje vialiki vychavaŭčy i prafiłaktyčny efiekt», — ličać u milicyi.
Kamientary