Tut.by nazvaŭ imiony inšych vysokapastaŭlenych miedykaŭ, jakich zatrymali pravaachoŭnyja orhany Biełarusi.
Nahadajem, 25 červienia staršynia KDB Valeryj Vakulčyk paviedamiŭ ab tym, što kamitet vyjaviŭ maštabnuju karupcyjnuju schiemu ŭ śfiery achovy zdaroŭja Biełarusi, zatrymali 33 čałavieki. Siarod ich — dyrektar centra ekśpiertyz i vyprabavańniaŭ u achovie zdaroŭja Alaksandr Stalaroŭ, za vyrašeńnie pytańniaŭ pa dziaržaŭnaj rehistracyi lekaŭ; dyrektar pradpryjemstva «Biełmiedtechnika» Alaksandr Šarak — za arhanizacyju składańnia i vykanańnia dahavoraŭ, zabieśpiačeńnie svoječasovaj apłaty i realizacyi zakupak. Siarod fihurantaŭ taksama načalnik hałoŭnaha ŭpraŭleńnia achovy zdaroŭja Hrodzienskaha abłvykankama Andrej Stryžak i načalnik vajskova-miedycynskaha ŭpraŭleńnia Ministerstva abarony Alaksiej Jaśkoŭ. Paźniej stała viadoma ab zatrymańni hałoŭnaha lekara Minskaj abłasnoj balnicy Andreja Karalki.
Pavodle infarmacyi Tut.by, niadaŭna śpis papoŭnili nie mienš viadomyja piersony. U pryvatnaści, havorka idzie pra namieśnika ministra achovy zdaroŭja Ihara Łasickaha. Jon ažyćciaŭlaŭ ahulnaje kiraŭnictva i kantrol za budaŭnictvam, rekanstrukcyjaj i raźvićciom materyjalna-techničnaj bazy haliny achovy zdaroŭja. Kuryravaŭ pytańni abarotu miedycynskich vyrabaŭ u Biełarusi i licenzavańnia, źjaŭlaŭsia staršynioj profilnych kamisij Ministerstva achovy zdaroŭja i «Biełmiedtechniki», havorycca na sajcie viedamstva.
Łasicki staŭ namieśnikam ministra ŭ sakaviku 2013 hoda. Da hetaha 5 hadoŭ byŭ načalnikam upraŭleńnia achovy zdaroŭja Bresckaha abłvykankama i siem hadoŭ — hałoŭnym doktaram Bresckaj dziciačaj abłasnoj balnicy. Jon ličyŭsia prateže byłoha ministra Vasila Žarko.
Jašče adnoj achviaraj maštabnaj začystki siłavikoŭ staŭ dyrektar Respublikanskaha navukova-praktyčnaha centra traŭmatałohii i artapiedyi Alaksandr Bialecki.
«Doktar miedycynskich navuk, prafiesar, akademik … Alaksandr Valancinavič — pavažany čałaviek. I takich ludziej, pavažanych daktaroŭ, nie adzin dziasiatak ŭ SIZA. Toje, što adbyvajecca — vielmi sumna. Chutka ŭ krainie nie zastaniecca daktaroŭ», — kaža supracoŭnik adnaho ź miedcentraŭ.
«Vielmi dziŭna, što tolki ciapier zanialisia hetaj temaj. Choć pra supiarečlivuju sistemu zakupak i licenzavańnia ŭ Ministerstvie achovy zdaroŭja ŭsim było viadoma vielmi daŭno. Pra jaje nie kazaŭ tolki lanivy. U vyniku ŭsie prystasoŭvalisia. A treba było ŭsie pracesy dušyć u samym zarodku. Čamu 5-7-10 hod tamu nie zanialisia hetym, a dapuścili taki maštab? Voś jakoje siońnia klučavoje pytańnie», — razvažaje top-mieniedžar zamiežnaj farmkampanii, jakaja pastaŭlaje leki i miedtechniku ŭ Biełaruś.
Atrymać kamientar u pres-słužbach KDB i Ministerstva achovy zdaroŭja nie ŭdałosia.
Stała viadoma, dzie pracuje favarytka Łukašenki Uładlena Zajcava19
Kamientary