Amierykaniec chacieŭ pazdymać pad spadnicami ŭ nieznajomak, ale schavanaja kamiera vybuchnuła ŭ jaho abutku
Kamiera, schavanaja ŭ abutku. Skrynšot ź jutuba.
U amierykanskim štacie Viskonsin paśla vybuchu schavanaj u abutak kamiery paciarpieŭ 32-hadovy mužčyna. Kamieru jon vykarystaŭ, kab upotaj padhladvać za žančynami, piša Bi-bi-si.
Mužčyna nabyŭ špijonski prybor — kamieru, jakaja źmiaščajecca ŭ abutku. Aparat byŭ nastrojeny tak, kab zdymać toje, što ŭ žančyn pad spadnicami.
Adnak pry pieršym ža vykarystańni kamiera vybuchnuła. U vuajerysta — apiok stupni.
U palicyi nie stali zavodzić spravu, bo kamiera vybuchnuła ŭ samym pačatku «pracy» i nivodnaha zdymka zroblena nie było. Adpaviedna, amierykaniec nie paśpieŭ nikoha abrazić.
Pra hety paciešny vypadak u svaim błohu paviedamiŭ šef palicyi horada Medysan Majk Koval.
Kamientary