Emacyjnaja zaležnaść: jak joj dać rady, kab jana nie pierarasła ŭ depresiju
Anžeła Klincevič, psichołah adździaleńnia sacyjalnaj adaptacyi i reabilitacyi Maładziečanskaha terytaryjalnaha centra sacyjalnaha absłuhoŭvańnia nasielnictva, ličyć, što adna z samych surjoznych prablem uzajemaadnosin — heta emacyjnaja zaležnaść.
«Čaściej za ŭsio emacyjnaja zaležnaść prajaŭlajecca ŭ šlubnych i dziciača-baćkoŭskich adnosinach, kali žonka nie ŭjaŭlaje siabie biez muža, a darosłaje dzicia nie moža abychodzicca biez apieki maci. Niaredka zdarajecca, što žančyna nienavidzić svajho muža abo partniora, ale pry hetym śćviardžaje, što nie moža bieź jaho žyć».
Takim čynam vynikaje, što emacyjnaja zaležnaść — heta mocnaja patreba ŭ inšym čałavieku, kali patrebny chtości, chto stanovicca sensam žyćcia, zvyškaštoŭnaściu.
Admaŭleńnie ułasnych emocyj i žadańniaŭ, niaŭmieńnie prymać rašeńni, biazvolle, schilnaść prynosić siabie ŭ achviaru, niazdolnaść nieści adkaznaść za siabie i svajo žyćcio — usio heta ŭłaściva subjektu, jaki znachodzicca ŭ emacyjnaj zaležnaści. Dla emacyjna zaležnaha čałavieka vielmi važny stan, reakcyi i acenki inšaha čałavieka. Kali ž značnaha čałavieka praciahły čas niama pobač, uźnikaje mocny niespakoj, zamiašańnie, jakoje časta charaktaryzujecca frazaj: «Ja miesca sabie nie znachodžu».
Supraćlehłaściu emacyjna zaležnych adnosin źjaŭlajucca adnosiny raŭnapraŭnyja.
«Jany ŭzbahačajuć čałavieka, spryjajuć roskvitu i raźvićciu asoby, jany uśviadomlenyja i nie supiarečać stanu ŭnutranaj svabody i raŭnavazie», — miarkuje psichołah.
Raŭnapraŭnyja adnosiny, raspaviadaje Anžeła Klincevič, hruntujucca na ŭzajemnaści, daviery i pavazie adzin da adnaho. Emacyjna zaležnyja adnosiny vystrojvajucca pa pryncypie daminavańnia i padparadkavańnia. U pary jość toj, chto viadzie, i toj, kaho viaduć. Pry hetym toj, chto viadzie, ličyć, što jon lepš viedaje «jak žyć» i «što rabić», całkam kantraluje taho, chto padparadkoŭvajecca. A toj, u svaju čarhu, całkam prymaje naviazanaje jamu mierkavańnie i standarty pavodzin. Asnovaj zaležnych adnosin źjaŭlajecca strach pierad žyćciom, niaŭpeŭnienaść u sabie, adčuvańnie ŭłasnaj niepaŭnavartasnaści, pavyšanaja tryvožnaść.
Jość padstava zadumacca, kali:
- vy majecie zaležnaść ad čužych mierkavańniaŭ;
- u vas nie atrymlivajecca vybudoŭvać paŭnavartasnyja adnosiny z patencyjnymi partniorami;
- vy nie ŭ stanie samastojna prymać važnyja rašeńni;
- z vami zdarajucca mocnyja i časta nieabhruntavanyja prystupy reŭnaści;
- nie možacie skazać ćviordaje «nie», admovicca ad dakučlivaj prapanovy;
- vy pieražyli hora, mocnaje ŭzrušeńnie i nie možacie viarnucca da narmalnaha rytmu žyćcia;
- vy adčuvajecie hłybokuju adzinotu.
Na žal, ale nastupstvy emacyjnaj zaležnaści mohuć być vielmi kiepskimi.
Emacyjna zaležny čałaviek pastajanna znachodzicca ŭ tryvozie, napružańni. U suviazi z hetym pastupova raźvivajecca psichasamatyčnyja chvaroby: prablemy sa straŭnikava-kišačnym traktam, skurnyja zachvorvańni (ekzema, psaryjaz). Źjaŭlajucca nieŭratyčnyja rasstrojstvy, jaki pastupova pierachodziać u ciažkija formy depresii z suicydalnymi nastrojami.
«Spačatku vy stavicie ŭ zaležnaść ad inšaha čałavieka svaje emocyi, potym usie svaje spravy i rašeńnie prablem. I skončycca tym, što vy budziecie vinavacić jaho va ŭsich biedach u vašym žyćci, va ŭsich vašych ciažkaściach, niahodach i hetak dalej. Pry hetym chto vinavaty? Hety čałaviek? Nie, vinavatyja vy sami!
Mienavita z taho momantu, kali pastavili svajo žyćcio i svajo ščaście ŭ zaležnaść ad partniora. Takaja zaležnaść nie maje ničoha ahulnaha z narmalnaj čałaviečaj uzajemapavahaj, jakaja nieabchodnaja ŭ lubych adnosinach. Mienavita heta ŭzajemapavaha prymušaje nas ličycca z žadańniami adzin adnaho, šukać kampramisy, časam sastupać, abmiarkoŭvać prablemy i prymać sumiesnyja rašeńni. Heta nie suzaležnyja adnosiny, heta pavaha da partniora, jakaja nieabchodnaja ŭ luboj siamji, u lubych adnosinach. Muž ličycca z žadańniami žonki, žonka ličycca z žadańniami muža, ale abodva jany zastajucca całkam samastojnymi asobami. Tak mohuć budavacca zdarovyja adnosiny. Na hetaj asnovie my možam stvaryć ščaślivuju siamju».
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku90
Anžalika Mielnikava paśla źniknieńnia nabyła dźvie kvatery ŭ Minsku
«Ź piaci varyjantaŭ try kvatery zdavalisia tolki hramadzianam Biełarusi». Rasijanie pierajechali ŭ Homiel paśla ataki USU na Bransk — što ich dzivić?2323
Kamientary