Žychara Viciebska aštrafavali za toje, što vinšavaŭ ludziej na vulicy z Dniom Voli
Siońnia, 12 krasavika, u sudzie Čyhunačnaha rajona Viciebska mieŭsia sud nad viadomym hramadskim aktyvistam i raspaŭsiudnikam niezaležnaj pradukcyi Barysam Chamajdam. Barysa Chanonaviča buduć sudzić za toje, što 23 sakavika vinšavaŭ minakoŭ z Dniom Voli.
U vyniku sp. Chamajda aštrafavany na adnu bazavuju vieličyniu (24,5 rubla, art. 23.34 KaAP)
Barys Chamajda vyjšaŭ 23 sakavika da h.zv. «siniaha doma» ŭ Viciebsku ź pikietam, upryhožanym bieł-čyrvona-biełymi kolerami. Jak kazaŭ jon tady Radyjo Svaboda, jon znarok azdobiŭ hetaje miesca kala tak zvanaha «siniaha doma», dzie jon užo bolš jak 20 hadoŭ ładzić roznyja akcyi i raspaŭsiudžvaje niezaležny druk.
«Ja vyjšaŭ ź vinšavańniami 23-ha, bo heta moj apošni pracoŭny dzień na tydni. Tak skłałasia zdaŭna: u subotu i niadzielu ja zajmajusia chatnimi spravami. 25-ha sakavika budu taksama adznačać doma, ź siabrami. A ciapier chaču nahadać usim žycharam Viciebsku pra 100-hadovy jubilej BNR», — kazaŭ spadar Chamajda.
Minaki reahavali na vinšavańnie nieadnaznačna: niechta paciskaŭ ruku najstarejšamu viciebskamu apazicyjanieru, niechta raspytvaŭ pra BNR. Ale byli i ahresiŭnyja napady, kali ŭ bok Barysa Chamajdy kidali abrazy i pahrozy.
Tady milicyja na najaŭnaść pikietoŭca ŭ centry horada nie reahavała. Adnak, jak vyśvietliłasia, sp. Chamajdu za pikiet čakaje sud.
Kamientary