Juryj Zisier na kancercie la Vialikaha teatra: Nikomu nie dadziena «pryvatyzavać» nacyjanalnuju ideju
Na śviatočnym kancercie ŭ honar 100-hodździa BNR la Vialikaha teatra vystupiŭ stvaralnik TUT.BY Juryj Zisier. Jon pavinšavaŭ biełarusaŭ sa 100-hodździem abviaščeńnia biełaruskaj dziaržaŭnaści i adznačyŭ, što toje, što siońniašniaje śviata arhanizavany nie ŭłada, nie palityki, a najpierš inicyjatyŭnyja hramadzianie, — vielmi važna.
— Narešcie ja baču ŭśmiešlivyja tvar, a to ŭsie surjoznyja, jak na 7 listapada. Heta jaskravaja prajava raźvićcia nacyjanalnaj idei ŭ sučasnych umovach. Chopić kanapavaj krytyki i pasiŭnaha čakańnia cudu. Nam para pierachodzić da aktyŭnaha palapšeńnia našaha žyćcia svaich sił. Čym bolš my budziem rabić dla siabie i inšych — tym śviatlejšaj budučynia našaj krainy, tym macniejšaja naša niezaležnaść.
Uspaminajučy siońnia historyju, važna pamiatać pra toje, što budučynia krainy nie moža lažać u jaje minułym. Tamu nacyjanalnaja ideja pavinna hruntavacca nie tolki na historyi, ale i ŭličvać siońniašnija i budučyja intaresy bolšaści našych hramadzian. Nacyjanalnaja ideja nie moža padzialać ludziej pa ich pohladach na historyju, krynicach dachodaŭ, movie, pahonach, pasadzie. Nikomu nie dadziena «pryvatyzavać» nacyjanalnuju ideju i abjaŭlać siabie «pravilnymi» paśladoŭnikami, a astatnich — «niapravilnymi».
Najnoŭšaja historyja našaj krainy pakazała, što ideałahičnyja hieta ŭ nas nie majuć pośpiechu. Jany tolki raźjadnoŭvajuć nas i robiać nacyju słaboj. Tolki idei, jakija nas usich abjadnoŭvajuć, adhuknucca ŭ našych dušach i zmohuć uvasobicca ŭ žyćcio. Dla hetaha treba raźvivać hramadstva samastojna, pa ŭłasnaj inicyjatyvie, svaimi siłami palapšać svajo žyćcio i ŭsiu našu krainu. Heta ciapier samaja važnaja, samaja aktualnaja nacyjanalnaja ideja. Pamiatajučy ab hetych dźviuch rečach — niezaležnaści krainy i hramadzianskaj supolnaści, — my zaŭsiody budziem mieć nadziejny aryjencir u palitycy, ideałohii, kultury, miedyja, ekanomicy, biznesie, usich śfierach žyćcia. My sami adkaznyja za našu budučyniu — i my jaje pabudujem. Niachaj žyvie niezaležnaja Biełaruś! Ura!
-
Eduard Palčys: Usio lepšaje ŭva mnie — ad viery, a ŭsio horšaje — ad samoha siabie
-
«Prabačcie mnie, daśledčyki, za ŭsio». Fiodar Paŭlučenka adkazaŭ Uładzisłavu Čachoviču
-
«Biełaruskaja navuka — vypalenaja pustka, dzie adzinočki sprabujuć stvaryć narmalny śviet dla takich, jak vy». Čachovič palemizuje z Paŭlučenkam
Ciapier čytajuć
Dźmitryj Siemčanka: Ja pryjšoŭ u puł Łukašenki bicca z Rasijaj28
Kamientary