Biełaruś pa ŭzroŭni aŭtamabilizacyi apynułasia ŭ samym kancy rejtynhu. AUTO.TUT.BY pahladzieŭ, kolki novych mašyn kuplajuć biełarusy i jakim markam addajuć pieravahu.
Siarod usich krain śvietu Biełaruś zaŭsiody znachodziłasia prykładna ŭ siaredzinie śpisu z pakazčykam kala 300 aŭtamabilaŭ na 1000 žycharoŭ. Raźlik viadziecca zychodziačy z suadnosin ahulnaj kolkaści lehkavych aŭtamabilaŭ da kolkaści nasielnictva.
Asacyjacyja jeŭrapiejskich vytvorcaŭ aŭtamabilaŭ (ACEA) padličyła, jakoje miesca zajmaje Biełaruś siarod krain Zachodniaj i Uschodniaj Jeŭropy zychodziačy z kolkaści novych aŭtamabilaŭ na 1000 žycharoŭ. Tut karcina akazałasia biazradasnaj. Na 1000 žycharoŭ u Biełarusi pradajecca 4,1 aŭtamabila. Pa hetym pakazčyku my zmahli abyści tolki Ukrainu.
A pa ahulnaj kolkaści pradadzienych novych aŭtamabilaŭ Biełaruś zajmaje 27 miesca z 33-ch z vynikam 38 954 aŭto. Biezumoŭnym lidaram pa ŭzroŭni aŭtamabilizacyi źjaŭlajecca Luksiemburh. 600 tysiač jaje hramadzian kupili ŭ 2017 hodzie 52 775 novych aŭtamabilaŭ, što roŭna 87,96 aŭto na 1000 žycharoŭ.
Što datyčycca prodažaŭ novych aŭtamabilaŭ pa markach, to na jeŭrapiejskim rynku ź vialikim adryvam lidziruje Volkswagen z dolaj 23,8%. Dalej idzie PSA Group, a zamykaje trojku lidaraŭ Renault Group. Źvierniem uvahu, što marka LADA, jakaja ŭvachodzić u hrupu Renault, pradała na rynkach Jeŭropy 5158 aŭtamabilaŭ.
-
Minskaja błohierka zmahajecca za toje, kab «Jandeks» zvolniŭ žančynu-kiroŭcu biznes-taksi. Taja ŭ adkaz padała zajavu ŭ milicyju
-
Rasijanin, jaki pieramoh u «Faktar.baj», sprabuje chucieńka pradać svoj pryz ad BT — usiedarožnik Belgee
-
Impart aŭto pryvatnikami raście, a ŭ dyleraŭ — padzieńnie prodažaŭ. Tamu dylery chočuć, kab było, jak u Rasii
Kamientary