Ukrainskija dypłamaty ad imia Parašenki pieradali maci Michaiła Žyźnieŭskaha sučasny invalidny vazok FOTA
Pasoł Ukrainy ŭ Biełarusi Ihar Kizim učora, 17 lutaha, pabyvaŭ z supracoŭnikami pasolstva ŭ Homieli, kab pieradać ad imia ŭkrainskaha prezidenta Piatra Parašenki invalidny vazok Ninie Žyźnieŭskaj, maci hieroja Niabiesnaj sotni Michaiła Žyźnieŭskaha.
«Kali b vy viedali, Nina Vasiljeŭna, kłopat pra vas i vašu siamju znachodzicca na asabistym kantroli prezidenta Ukrainy. Jon, daviedaŭšysia, što vy majecie patrebu ŭ takim vazku, rasparadziŭsia nabyć i pieradać vam. Dla nas vaš syn — heta sprava Ukrainy. My šanujem svaich hierojaŭ», — cytuje ukrainskaha pasła Radyjo «Svaboda».
Kałyska vyrablena ŭ Polščy, tryvałaja i, što važna, lohkaja, usiaho 15 kiłahramaŭ.
«Narmalna, akurat dla mianie. Až nie vierycca. Uvosień, kali Ihar Jurjevič pryjazdžaŭ naviedać mahiłu Michaiła, ja skazała adnamu z supracoŭnikaŭ pasolstva, što mnie nadzvyčaj ciažka chadzić. Nie zabylisia, vialiki dziakuj. Dziakuj i ŭkrainskamu prezidentu — jon trymaje svajo słova», — dziakuje za padarunak Nina Vasiljeŭna.
Pasoł Ihar Kizim paviedamiŭ, što dla muža i žonki Žyźnieŭskich padbirajuć sanatoryj va Ukrainie, kab viasnoj jany mahli padmacavać zdaroŭje.
-
Pamierła 32‑hadovaja dyzajnierka Volha Šaŭcova — amal pałovu svajho žyćcia jana zmahałasia z ankałohijaj
-
Novy kanflikt vakoł «Pahoni». Litoŭcy vinavaciać biełaruski futbolny kłub u kradziažy ich simvoliki
-
U Vaŭkavyskim rajonie žycharku vioski aštrafavali za vialikuju kolkaść katoŭ. Ale jurystka dapamahła adbicca
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary