Украінскія дыпламаты ад імя Парашэнкі перадалі маці Міхаіла Жызнеўскага сучасны інвалідны вазок ФОТА
Пасол Украіны ў Беларусі Ігар Кізім учора, 17 лютага, пабываў з супрацоўнікамі пасольства ў Гомелі, каб перадаць ад імя ўкраінскага прэзідэнта Пятра Парашэнкі інвалідны вазок Ніне Жызнеўскай, маці героя Нябеснай сотні Міхаіла Жызнеўскага.
«Калі б вы ведалі, Ніна Васільеўна, клопат пра вас і вашу сям'ю знаходзіцца на асабістым кантролі прэзідэнта Украіны. Ён, даведаўшыся, што вы маеце патрэбу ў такім вазку, распарадзіўся набыць і перадаць вам. Для нас ваш сын — гэта справа Украіны. Мы шануем сваіх герояў», — цытуе украінскага пасла Радыё «Свабода».
Калыска выраблена ў Польшчы, трывалая і, што важна, лёгкая, усяго 15 кілаграмаў.
«Нармальна, акурат для мяне. Аж не верыцца. Увосень, калі Ігар Юр'евіч прыязджаў наведаць магілу Міхаіла, я сказала аднаму з супрацоўнікаў пасольства, што мне надзвычай цяжка хадзіць. Не забыліся, вялікі дзякуй. Дзякуй і ўкраінскаму прэзідэнту — ён трымае сваё слова», — дзякуе за падарунак Ніна Васільеўна.
Пасол Ігар Кізім паведаміў, што для мужа і жонкі Жызнеўскіх падбіраюць санаторый ва Украіне, каб вясной яны маглі падмацаваць здароўе.
Цяпер чытаюць
Лукашэнка кажа, што прапаноўваў Захаду «перадаць некалькі тысяч» палітвязняў29
Лукашэнка кажа, што прапаноўваў Захаду «перадаць некалькі тысяч» палітвязняў
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары