Moładzievy teatr estrady (vuł.Maskoŭskaja, 18a). Pačatak a 19:00.
Sučasnaja biełaruskaja dziaŭčyna Kasia traplaje ŭ rańniaje siaredniaviečča i dapamahaje lehiendarnamu kniaziu Usiasłavu Čaradzieju vyzvalicca z kijeŭskaha pałonu. I ciapier užo jon, Čaradziej, supravadžaje novuju siabroŭku ŭ sučasnuju Biełaruś. Čaradziej tut, siarod nas. Niemahčyma? Jašče jak mahčyma. Heta ž Čaradziej. A značyć — mahčyma ŭsio.
Taki karotki źmiest miuzikła «Čaradziej», libreta, teksty i muzyku da jakoha napisaŭ Raman Arłoŭ. 17 lutaha pastanoŭku pakažuć u Minsku, u Moładzievym teatry estrady.
«Biełarusi patrebien prajekt, u jakim by z dapamohaj sučasnaha teatra i sučasnaj muzyki była b «zamiksavanaja» historyja našaj krainy, prynamsi, niejkaja znakavaja jaje častka. Heta dobra dla prezientacyi zamiežnikam, i dziela taho, kab źviarnuć uvahu sučasnaj moładzi na biełaruskuju historyju ź jaje supierhierojami, a adnym z samych znakamitych, biezumoŭna, źjaŭlajecca Čaradziej», —adznačaje stvaralnik prajekta Raman Arłoŭ.
Takim čynam, 10 pryčynaŭ schadzić na «Čaradzieja»
- Pryhožyja dziaŭčaty z chora.
- Sapraŭdnyja rokiery z hurta «Ŭ nieskładovaje», jaki vykonvaje rolu arkiestra.
- Hety miuzikł — adziny teatralny prajekt pra našaha słavutaha Usiasłava Čaradzieja.
- Pavodle pjesy — i pavodle realnaj historyi Čaradzieja — Usiasłaŭ nikoli nie zdradžvaŭ intaresam svajoj ziamli. Aktualna dla sučasnaj biełaruskaj historyi! Varta ŭspomnić što adbyvałasia 1000 hadoŭ tamu.
- Nievierahodnaja chareahrafija.
- Možna budzie sfatahrafavacca ŭ voŭčym futry razam z artystami miuzikła.
- Cudoŭnaja mahčymaść adśviatkavać 14 lutaha (ź nievialikim spaźnieńniem) i Maślenicu adnačasova.
- Dobraja nahoda pakazać tieatralizavanuju historyju Biełarusi zamiežnamu siabru.
- Prosta — a čamu b i nie?
- Da taho ž, heta subota!
U prodažy abmiežavanaja kolkaść kvitkoŭ.
Jany kaštujuć ad 15 da 25 rubloŭ.
Daviedki: (44) 5517706, (29) 8517706.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary