Hruzija z hetaha hoda nie płanuje kuplać haz u Rasii, pakolki ŭsiu patrebu ŭ hetym palivie pakryvaje Azierbajdžan. Pra heta zajaviŭ namieśnik ministra ekanomiki Hruzii Hieorhij Čykavani, paviedamlaje kazachskaja słužba radyjo «Svaboda».
Hruzinskaja apazicyja raniej zajaŭlała, što ŭrad niazdolny nabyć pryrodny haz u kampanii «Hazprom» paśla taho, jak u minułym hodzie Maskva i Tbilisi damovilisia «manietyzavać» płatu za tranzit paliva ŭ Armieniju. Čynoŭnik hetyja śćviardžeńni adchiliŭ.
«Nielha skazać, što nam nie chapaje hrošaj na kuplu rasijskaha hazu. U lubym vypadku, hrašovaja ŭznaharoda dosyć vialikaja», — zajaviŭ namieśnik ministra. Jon padkreśliŭ, što ŭ ciapierašni čas «Hruzii prosta nie patrebny rasiejski haz, pakolki całkam chapaje azierbajdžanskaha».
Pavodle damovy pamiž «Hazmpromam» i hruzinskim uradam, za tranzit hazu ŭ Armieniju ŭ minułym hodzie płacili častkova hrašyma i častkova syravinaj. Z 2018 hoda apłata budzie pravodzicca tolki hrašyma. Raniej ad tranzitu rasijskaha hazu ŭ Armieniju Hruzii naležała 10 pracentaŭ ad ahulnaha abjomu jaho transparciroŭki.
Ciapier čytajuć
Łukašenka zajaviŭ pra hatoŭnaść pryjechać u Kijeŭ48
Kamientary