Hatel prysaromiŭ zorku YouTube za prośbu ab biaspłatnym raźmiaščeńni ŭ abmien na rekłamu
Papularnaja brytanskaja błohierka El Darbi apublikavała na YouTube 17-chvilinnaje videa z zahałoŭkam «Ja była vykryta (tak niajomka)», u jakim raspaviała, jak była prysaromlena administracyjaj hatela White Moose Cafe i Charleville Lodge ŭ stalicy Irłandyi, paviedamlaje NYMAG.
Raniej jana adpraviła elektronny list z prośbaj ab biaspłatnym znachodžańni ŭ hateli ŭ abmien na rekłamu ŭ sacyjalnych sietkach. U adkaz na heta ŭładalnik hatela Poł Stensan raźmiaściŭ skrynšot lista ŭ fejsbuku.
«Kali ja dazvolu vam spynicca tut u abmien na vaša videa, chto budzie płacić supracoŭnikam, jakija kłapociacca pra vas? Chto budzie płacić pakajoŭkam, jakija prybirajuć vaš pakoj? Aficyjantam, jakija absłužać vaš śniadanak? Supracoŭniku, jaki vas zarehistruje? Chto budzie płacić za śviatło i ciapło, jakija vy vykarystoŭvajecie padčas vašaha znachodžańnia? Za myćcio bializny? Za raschod vady? Moža być, ja pavinien skazać piersanału, što ich pakažuć u vašym videa — zamiest taho, kab apłacić ich pracu?»
Imia dziaŭčyny i jaje kanała na skrynšocie byli schavanyja, u adroźnieńnie ad inšych padrabiaznaściaŭ: kolkaści jaje padpisčykaŭ, mierkavanych dat znachodžańnia i papiaredniaha hatela, dzie jana spyniałasia za rekłamu. Pa słovach błohiera, jaje chutka paznali, i paśla hetaha jana atrymała masu niehatyŭnych kamientaroŭ i adkazaŭ u Tvitary. Jana padkreśliła, što adpraŭlała list «z čystymi namierami», i za papiarednija try hady svajoj dziejnaści ni razu nie atrymlivała hrubych adkazaŭ.
-
«My chacieli stvaryć vajb «Chłopčyk, harełački mnie pryniasi!» U Minsku pačała pracavać «Žanočaja piŭnaja» — aficyjanty tam adny mužčyny
-
Muž byłoj kiraŭnicy Ministerstva ŭnutranaj biaśpieki ZŠA lubić adziavać žanočaje i bambičnyja nakładnyja hrudzi
-
Biełaruska Alaksandra Borcič, jakaja zdymajecca ŭ Rasii, źmianiła akciorskuju prafiesiju
Kamientary