U 2020 hodzie ŭ Biełarusi pavinny prajści prezidenckija i parłamienckija vybary. Pravodzić dźvie bujnyja vybarčyja kampanii ŭ adzin hod niemetazhodna. Pra heta ŭ intervju telekanału «Biełaruś 1» zajaviła kiraŭnik Centrvybarkama Biełarusi Lidzija Jarmošyna, paviedamlaje Tut.by.
— Sumiaścić dźvie vybarčyja kampanii našy vybarčyja kamisii, jakija składajucca z pradstaŭnikoŭ hramadskaści, nie ŭ stanie, — zajaviła Lidzija Jarmošyna.
Jana taksama adznačyła, što vybary palityzujuć atmaśfieru ŭ krainie, što nie idzie na karyść hramadstvu.
— Heta moža destabilizavać abstanoŭku palityčnuju i hramadskuju. Tamu, ja dumaju, buduć razvodzić hetyja vybarčyja kampanii.
Jakija vybary praviaduć pieršymi, a jakija — krychu paźniej, kiraŭnik CVK pakul nie viedaje. Adnak, pa jaje słovach, idealnym časam dla praviadzieńnia adnoj z vybarčych kampanij staŭ by listapad 2019 hoda.
Vybary na najvyšejšuju dziaržaŭnuju pasadu ŭ Biełarusi pa zakonie pavinny adbycca nie paźniej za 30 žniŭnia 2020 hoda, a vybary ŭ Pałatu pradstaŭnikoŭ — nie paźniej za 10 vieraśnia hetaha ž hoda.
Pra toje, što jakaja-niebudź z hetych vybarčych kampanij moža prajści raniej terminu, Lidzija Jarmošyna dapuskała i raniej.
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja5
Kamientary