Biełarusa Dźmitryja (pazyŭny Hans) — 25-hadovaha bajca 1-j šturmavoj roty Dobraachvotnickaha ŭkrainskaha korpusu «Pravy siektar» — ušanavali ordenam «Narodny hieroj Ukrainy». Uznaharodžańnie adbyłosia ŭ Ivana-Frankoŭsku 16 śniežnia, paviedamlaje «Biełsat».
Biełarus «Hans» vajuje na Danbasie z 2015 hoda, dvojčy za hety čas atrymlivaŭ ranieńni.
«Narodny hieroj Ukrainy» — niedziaržaŭnaja ŭznaharoda, zasnavanaja ŭkrainskimi vałanciorami ŭ červieni 2015 hoda. Za hety čas orden atrymali bolš za 340 čałaviek. Uznaharoda ŭručajecca hramadzianam Ukrainy i inšych dziaržavaŭ za vybitnyja zasłuhi ŭ abaronie niezaležnaści Ukrainy i vałanciorskaj dapamohi Uzbrojenym siłam Ukrainy. Orden u vyhladzie tryzubca vyrableny z srebra 925-j proby ŭ dvuch varyjantach — čyrvona-čornaja stužka na kałodcy — dla žaŭnieraŭ, žoŭta-błakitnaja stužka — dla vałancioraŭ i miedykaŭ.
Letaś orden «Narodny hieroj Ukrainy» paśmiarotna atrymaŭ Aleś Čarkašyn.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary